Advertisement
 
 
 
 
 
 
 
 

Siporo | Siporo Mu Rwanda

Nyuma y’imikino y’Amavubi, hagiye kuba imikino ya shampiyona y’ibirarane   

  Yanditswe na BUGINGO FIDELE
 March 2016

 
 

Nyuma y’imikino ibiri y’Amavubi yakinnye n’ikipe y’igihugu ya Mauritius mu gushaka itike ya CAN 2017, shampiyona y’u Rwanda igiye gusubukurwa hakinwa imikino y’ibirarane.

Iyi mikino ni iy’amakipe ya APR FC na Police FC zari zihagarariye u Rwanda mu mikino y’Afurika ariko zikaba zaraviriyemo muri 1/16.

Ku Cyumweru taliki 3 Mata 2016 ni bwo hazaba imikino 2, harimo uzahuza ikipe ya Police FC na AS Kigali. Uyu mukino uzabera kuri Sitade ya Kicukiro saa cyenda n’igice.

JPEG - 346.2 kb
Ikipe ya APR FC nitsinda imikino y’ibirarane niyo izahita iyobora urutonde rwa Shampiyona (Foto Bugingo F)

Uyu mukino uzaba ukomeye kuko nyuma y’aho Police FC iviriye mu mikino y’Afurika irashaka kwitwara neza ngo yegere amakipe ayiri imbere dore ubu iri ku mwanya wa 5 n’amanota 24.

Mu makipe ayiri imbere harimo AS Kigali bikurikirana ku rutonde aho iri ku mwanya wa 4 n’amanota 28. Ibi bikaba ari byo bishobora gukomeza uyu mukino. Ikipe ya AS Kigali irashaka gutsinda uyu mukino kugira ngo ibe yazamuka mu myanya y’imbere kuko kugeza ubu ikipe ya mbere ifite amanota 32.

Aya makipe yombi kuva muri 2013 amaze gukina imikino 4, Police FC yatsinze umukino umwe, AS Kigali itsinda undi naho imikino ibiri ziranganya. Ubwo ziheruka guhura, taliki 27 Gashyantare 2015, Police FC ni yo yatahanye amanota 3 itsinze AS Kigali igitego 1-0 cyabonetse ku munota wa 18 gitsinzwe na Ngirinshuti Mwemere, umukino wari wabereye kuri Sitade ya Kigali i Nyamirambo.

APR FC ishobora kuzahita ifata umwanya wa mbere

Undi mukino w’ikirarane uzahuza ikipe ya APR FC izaba yakiriye Marines FC. Uyu mukino biba bigoye ko warangira APR FC itabonye amanota 3.

Iyi kipe yasezerewe na Yanga yo muri Tanzania mu mikino y’Afurika y’amakipe yabaye aya mbere iwayo izaba ikinnye umukino wa mbere wa shampiyona itozwa na Nizar Khanfir, umutoza mushya gusa akaba amaze gutoza imikino ibiri aho atabashije gutsinda kuko yatsindiwe na Yanga mu Rwanda ibitego 2-1 akanganyiriza muri Tanzania igitego 1-1.

APR FC nitsinda Marines FC izahita ifata umwanya wa mbere ku rutonde rw’agateganyo n’amanota 33 kuko ikipe iyoboye ni Rayon Sports n’amanota 32 na Mukura VS igakurikiraho nayo n’amanota 32.

Imikino y’ibirarane yindi izaba taliki 06 Mata 2016, aho Etincelles FC izakira Police FC naho AS Kigali yakire APR FC.

 

Comments

Izina Ryanyu
IGITEKEREZO

 
 
Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Amagare: Ndayisenga Valens yabonye ikipe muri Autriche
Amagare: Ndayisenga Valens yabonye ikipe muri Autriche

Ndayisenga Valens, umukinnyi wa mbere mu Rwanda mu gusiganwa ku magare nyuma yo gusoza amasezerano ye mu ikipe ya Dimension Data for Qhubeka yamaze kubona ikipe mu gihugu cya Autriche yitwa (...)

Ibyo ukwiye kumenya kuri CAN 2017 igiye kubera  muri Gabon
Ibyo ukwiye kumenya kuri CAN 2017 igiye kubera muri Gabon

Kuva kuri uyu wa gatandatu Taliki 14 Mutarama 2017 kuzageza kuya 05 Gashyantare 2017, abakunzi b’umupira w’amaguru muri Afurika bagiye gukurikirana imikino y’igikombe cy’Afurika “CAN 2017” ku (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.