2017-06-28 08:00:46 clouds 27o High | Kigali Rwanda

Dukurikire:
 
 

Nyirarukundo yegukanye umwanya wa gatanu mu Buholandi

Yanditswe na IMVAHO NSHYA

Kuya 2017-06-03 14:54:12

 
Share on:
 
Yasuwe:703
 
Yavuzweho:200
 
10
 
10

Umukinnyi w’u Rwanda mu mikino ngororamubiri uherutse kwandika amateka akegukana umudali wa zahabu muri Marato yitiriwe Amahoro, Nyirarukundo Salome, ku wa Gatanu tariki 02 Kamena 2017 yegukanye umwanya wa 5 mu irushanwa ryabereye mu Buholandi “Nijmegen Global Athletics – Next Generation Athletics 2017”.

Mu gusiganwa metero ibihumbi 5 yakoreshe iminota 15 n’amasegonda 34.

N’ubwo iri siganwa ryari ryitabiriwe n’abakinnyi bo mu bihugu bitandukanye, 15 ni bo babashije gusoza bayobowe na Stella Chesang ukomoka muri Uganda akaba yarakoresheje iminota 15 n’amasegonda 17 akurikirwa na Mercelyne Chelangat na we ukomoka muri Uganda naho Camille Buscomb ukomoka mu Budage aba uwa kane.

JPEG - 143.9 kb
Salome Nyirarukundo

Nyirarukundo watangiye umwaka wa 2017 yitwara neza dore ko no muri Mata yegukanye umudali wa zahabu muri Maroc, yatangaje ko yifuzaga kwegukana umudali ariko kubera ko yakoresheje imbaraga nyinshi muri “Kigali Peace Marathon 2017”bikaga. Yizeza ko azitwara neza mu marushanwa ataha.

Ubu yamaze kubona itike yo kuzahagararaira u Rwanda muri shampiyona y’isi izabera i Londres mu Bwongereza “IAAF World Championships London 2017” tariki 04-13 Kanama 2017 atangaza ko azava mu Buholandi yerekeza muri Kenya aho azakomereza imyitozo.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE