Advertisement
 
 
 
 
 
 
 
 

Siporo | Siporo Mu Rwanda

Nyakwigendera Mucyo niwe watumye ngaruka ku buyobozi bwa Mukura - Nizeyimana   

  Yanditswe na BIZIMANA ERIC
 4 months ago

 
 

Nizeyimana Olivier waherukaga kwegura ku buyobozi bwa Mukura VS yemeye kugaruka muri ubu buyobozi amaze kubisabwa n’abakunzi benshi ba Mukura barimo na Nyakwigendera Senateri Mucyo Jean de Dieu witabye Imana ku wa Mbere w’icyumweru gishize akaba yari Perezida w’icyubahiro wa Mukura.

Ibi ni byo yavugiye mu kiganiro n’itangazamakuru cyabaye nyuma y’inteko rusange ya Mukura VS yabaye ku cyumweru, mu karere ka Huye yari igamije gutora umunyamabanga mukuru usimbura Sheikh Habimana Hamdan na Nizeyimana Olivier, wari Prezida bari beguye ku mpamvu zabo bwite.

Bitandukanye n’ibyari byitezwe, iyo nama y’inteko rusange ntiyigeze igaruka ku mpamvu zatumye aba bayobozi begura, kuko mu mwanya buri wese muri aba bari beguye yahawe, yongeye gusubiramo ko yeguye ku mpamvu bwite adashaka gutangaza.

JPEG - 56.6 kb
Nizeyimana Olivier (Uhagaze) yemejwe kugaruka na Nyakwigendera Mucyo Jean de Dieu

Abanyamuryango basabye Nizeyimana na Sheikh Habimana kugaruka mu buyobozi bwa Mukura VS, Nizeyimana arabyemera naho Shikh Habimana arabyanga.

Nizeyimana yagaragaje ko yabyemeye nyuma yo kubisabwa n’abanyamuryango benshi banarimo Nyakwigendera Mucyo Jean de Dieu wamusabye kugaruka mu ikipe mu biganiro bagiranye mu masaha make mbere y’uko yitaba Imana.

Nizeyimana yavuze ko yari yamwemereye ko agiye kubitekerezaho, akazamuha igisubizo mu minsi ya vuba, ahita yitaba Imana atamuhaye igisubizo.

Nizeyimana avuga ko kwitaba Imana kwa Nyakwigendera byatumye atekereza ku nshingano yifuzaga kumuha, bityo yiyemeza kuzikora, cyane ko n’abakinnyi bari babimusabye hamwe n’abahoze bayobora.

Hatowe umunyamabanga mushya ukiri muto

Nyuma y’uko Perezida yemeye kugumaho, abanyamuryango bahise bajya mu matora y’umunyamabanga mushya.

Niyobuhungiro Fidel w’imyaka 24 y’amavuko ni we wagizwe umunyamabanga mukuru ku majwi 85 ku 125 naho Mushumba Pacifique usanzwe atoza ikipe ya IPR y’Amajyepfo ya Basketball agira amajwi 15 ku 125.

Niyobuhungiro akaba yari asanzwe ari umukunzi wa Mukura VS usanzwe kuva yarangiza mu ishami ry’ubwubatsi (Civil Engineering) muri uyu mwaka.

Nizeyimana yabwiye abanyamakuru ko Yishimiye itorwa ry’umusore ukiri muto kandi ufite ibitekerezo. Cyane ko bari basanzwe ari inshuti, ku buryo hari ibitekerezo byubaka azazana’’

Iby’amatiku n’ubwumvikane buke ntibyigeze bihabwa umwanya

Nizeyimana Olivier, Perezida wa Mukura Vs yavuze ko ataza kugaruka ku bijyanye n’ubwumvikane buke n’ibyavugwaga by’imikoranire mibi y’umutoza n’abo muri Komite.

Nizeyimana yavuze ko ibyabaye nta gaciro yabiha, ahubwo asaba abanyamuryango kureba imbere.

 

Comments

 
 
Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

 Minnaert mu minsi 10 ye ya mbere nk’umutoza wa Mukura
Minnaert mu minsi 10 ye ya mbere nk’umutoza wa Mukura

Ishusho y’iminsi 10 ishize Mukura VS ihaye akazi umubiligi Ivan Minnaert ko gusimbura Umurundi Okoko Godefroid weguye ku mpamvu z’umusaruro mubi. Ubuzima ni bushya ku bakinnyi basigaye bakora (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.