2017-11-17 14:59:33 clouds 27o High | Kigali Rwanda

Dukurikire:
 
 

Nubwo neguye, muri Rayon Sports ni mu rugo isaha n’isaha nagaruka-Masudi

Yanditswe na IMVAHO NSHYA

Kuya 2017-07-10 08:47:57

 
Share on:
 
Yasuwe:536
 
Yavuzweho:200
 
10
 
10

Uwari umutoza w’ikipe ya Rayon Sports, Irambona Masudi Djuma yatangaje ko yeguye ku mirimo ye ku wa Gatandatu tariki 08 Nyakanga 2017.

Masudi wakiniye ikipe ya Rayon Sports yaje bwa mbere ari umutoza wungirije mu Kuboza 2015. Muri Gashyantare 2016 agirwa umutoza w’agateganyo mukuru afasha Rayon Sports kwegukana igikombe cy’Amahoro. Nyuma ahabwa amasezerano y’imyaka 3, ahesha Rayon Sports igikombe cya shampiyona 2016-2017.

Nyuma y’umwaka umwe w’amasezerano ye, Masudi yeguye ku mirimo yo gutoza iyi kipe avuga ko bitewe n’impamvu ze bwite atifuza gutangaza. Ati “Ni impamvu zanjye bwite, ndabifite mu mutima sinshaka kubisohora hanze”.

JPEG - 291.1 kb
Masudi Djuma wari umutoza wa Rayon Sports yareguye, ashimira iyi kipe aho yamugejeje (Foto Gentil)

Uyu mutoza ukomoka i Burundi, yavuze ko ashimira cyane abafana b’ikipe ya Rayon Sports. Aha yavuze ko bwa mbere akiza mu Kuboza 2015 ubwo iyi kipe yakinaga irushanwa rya Star Times, Perezida wa Rayon Sprorts yamubujije guhita atangira gutoza ku mukino Rayon Sports yagomba gukina na Kiyovu aho yamubwiye ko baramutse batsinzwe abana bavuga ko azanye umwaku aho, we agaseka amubwira ko nta mwaku azanye.

Ati “Naratoje nakoresheje inyitozo ya mbere y’umukino, kandi turatsinda, abafana baranyishimiye cyane”.

Ahandi yongeye gushima abakunzi ba Rayon Sports ni ubwo yahagarikwaga nyuma yo gusezererwa mu mikino y’Afurika n’ikipe ya Rivers United yo muri Nigeria.

Ati “Mwarabibonye uko abafana bitwaye kuri Sitade byankoze ahantu, naravuze ngo hari abantu bankunda mu ikipe. Ni ba ngeze hano ni ukubera Imana ariko yabinyujije muri Rayon Sports. Ndashima Rayon Sports yanzamuye”.

Masudi avuga ko intego ze yazigezeho

Umutoza Masudi yagize ati “Nifuzaga guha Rayon Sports ibyishimo, igihe kirageze ko mbasezeraho, singiye, navuga ko Rayon Sports ari mu rugo, umwana mu rugo aragenda akagaruka”.

Masudi yahakanye yivuye inyuma ko kugeza ubu nta kipe n’imwe baravugana. Ati “Mwatangiye muvuga Mukura, Police FC, Bugesera FC n’izindi, ngiye mu rugo mbe nduhutse”. Gusa avuga ko atishimye kuko yari agisigaranye imyaka ibiri muri iyi kipe.

Yavuze ku rugendo rwa Rayon Sports muri uyu mwaka w’imikino

Rayon Sports yegukanye igikombe cya shampiyona 2016-2017 habura imikino 4 ngo shampiyona isozwe. Iyi kipe yegukanye umwanya wa 3 mu gikombe cy’Amahoro. Umutoza Masudi yagize icyo avuga ku rugendo w’iyi kipe muri uyu mwaka w’imikino.

Yagize ati “Havuzwe byinshi, ngo ikipe yatsinze kubera abakinnyi, ni byo ariko haba hakenewe n’abatoza, abayobozi, abafana n’ibindi kugira ngo intsinzi iboneke”. Yakomeje avuga ko burya umutoza ari nka kashe ku mpapuro. Ati “Impapuro zidafite kashe burya nta gaciro ziba zifite”.

Masudi Djuma yavuze ko ibyabafashije kwitwara neza bwa mbere yasabye abayobozi ko buri wese yakora akazi ke, ko buri mukinnyi agomba kuza azi gukina atari ibyo gutegereza ko kanaka arwara ngo akine, ikindi ni abafana bababaye hafi. Yanashimangiye ko yakoranye neza n’abatoza bamwungirije.

Icyakoze ngo ku byo yavuzweho byose nta cyamuhungabanyije ahubwo byamufashije kuko ukora ni we uvugwa.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE