Advertisement
 
 
 
 
 
 
 
 

Siporo | Siporo Mu Rwanda

Niyonzima wari uzwi nk’uwa APR FC, yakoze imyitozo muri Mukura   

  Yanditswe na MURENGERANTWALI DOMINIQUE
 3 months ago

 
 

Niyonzima Ally wari wavuzwe ko yarangije gusinyira ikipe APR FC yaraye akoze mu myitozo ya mbere muri Mukura VS kuva shampiyona yarangira. Iyi myitozo yabaye ku wa Kane taliki 22 Nzeri 2016 saa kumi z’umugoroba (16h00) kuri Sitade Huye.

Amakuru yo kujya muri APR FC yari yatangiye kuvugwa mu ijoro ryo ku wa Gatatu taliki 21 Nzeli 2016, binyuze kuri bamwe mu banyamakuru bamubonanye n’umunyamabanga mukuru wa APR FC, Kalisa Adolphe “Camarade” mu Giporoso mu Murenge wa Remera saa kumi n’ebyiri z’umugoroba (18h00).

Aya makuru akimara kujya hanze, Niyonzima wari utahanye n’ikipe ya Mukura VS ivuye Bugesera gukina umukino wa gicuti, yatangarije Imvaho Nshya ko yahuye n’umunyamanyamabanga wa APR FC gusa ko nta biganiro byo kuyerekezamo bigeze bagirana cyane ko agifite amasezerano y’imyaka ibiri muri Mukura.

JPEG - 31.7 kb
Niyonzima Ally

Umutoza mukuru wa Mukura, Okoko Godefroid atangaza ko atishimiye kuba Niyonzima yari yaratinze kuza mu myitozo gusa akemeza ko agiye kumufasha kugaruka mu bihe bye amuha imyitozo izamugeza ku rwego rumwe n’abandi bakinnyi.

Niyonzima yasinye amasezerano y’imyaka ibiri muri Werurwe 2016 kuri miliyoni 2,5 z’amafaranga y’u Rwanda. Yaje gutangira kugirana ibibazo n’ubuyobozi bwa Mukura nyuma y’umukino wahuje Mukura na APR FC mu mikino yo kwishyura ya shampiyona 2015-2016, aho hazamutse amakuru y’uko yari yahawe amafaranga na APR FC.

Ibi byatumye ava aho abandi bakinnyi baba ajya i Kigali nk’uko yabivugaga naho ubuyobozi bukavuga ko bwamufatiye i Kampala agiye gutorokera mu Budage.

Icyo gihe yabwiye Imvaho Nshya ko yari yatangiye gushaka ikipe yajyamo, igasubiza amafaranga Mukura yari yamutanzeho. Niyonzima agarutse mu myitozo mu gihe Okoko, umutoza wa Mukura yari yaramaze kugura Samba Cedrick wakinaga muri Rwamagana nk’umusimbura we.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Amagare: Ndayisenga Valens yabonye ikipe muri Autriche
Amagare: Ndayisenga Valens yabonye ikipe muri Autriche

Ndayisenga Valens, umukinnyi wa mbere mu Rwanda mu gusiganwa ku magare nyuma yo gusoza amasezerano ye mu ikipe ya Dimension Data for Qhubeka yamaze kubona ikipe mu gihugu cya Autriche yitwa (...)

Ibyo ukwiye kumenya kuri CAN 2017 igiye kubera  muri Gabon
Ibyo ukwiye kumenya kuri CAN 2017 igiye kubera muri Gabon

Kuva kuri uyu wa gatandatu Taliki 14 Mutarama 2017 kuzageza kuya 05 Gashyantare 2017, abakunzi b’umupira w’amaguru muri Afurika bagiye gukurikirana imikino y’igikombe cy’Afurika “CAN 2017” ku (...)

Ku myaka 19  Nyirarukundo yageze mu ibihugu 20 akina  umukino wo gusiganwa
Ku myaka 19 Nyirarukundo yageze mu ibihugu 20 akina umukino wo gusiganwa

Nyirarukundo Salome umwari w’imyaka 19, ukina umukino wo gusiganwa ku maguru avuga ko impano afite yatumye agenda mu bihugu birenga 20, ahesha ishema u Rwanda. Nyirarukundo uvuka mu karere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.