Advertisement
 
 
 
 
 
 
 
 

Siporo | Siporo Mu Rwanda

Nibaduha buri kimwe cyose, Espoir FC izakora ibitangaza - Ndayizeye   

  Yanditswe na BIZIMANA ERIC
 5 months ago

 
 

Umutoza mukuru w’ikipe ya Espoir FC, Ndayizeye Jimmy arasaba ubuyobozi bw’iyi kipe kuzafata neza abakinnyi be ubundi bakamubaza umusaruro wo ku rwego rwo hejuru.

Ibi yabitangarije Imvaho Nshya mu kiganiro cyibanze ku myiteguro y’iyi kipe yo kwitegura shampiyona ya 2016-2017. Ndayizeye yatangiye avuga ko akurikije imyitozo bakoze asanga Espoir FC igeze ku rugero rwa 70% mu kwitegura shampiyona.

Ndayizeye avuga ko yasanze abakinnyi ba Espoir FC bari ku rwego rwo hejuru, agasaba ahubwo abayobozi kubafata neza babaha buri kimwe bakeneye.

Ati “Ndi mushyashya muri Espor FC, nibaza ko niba dukeneye ko tugera ku kintu gifatika, bisaba ko twitegura bihagije, abakinnyi tukabafata neza, ibyo bifuza byose bikaboneka. Ntihazagire umukinnyi ubura umushahara cyangwa icyo afungura. Nitugira morali nzi ko tuzagera kure, tukanakora ibyo benshi batatekerezaga’’.

JPEG - 177.9 kb
Ndayizeye Jimmy,umutoza wa Espoir FC

Ndayizeye umaze kwitwara neza mu mikino ibiri ya gicuti yaguze abakinnyi bashya bayobowe na Hakundukize Adolphe wari kapiteni w’Amagaju FC na Bao Junior umunya Cameroun wakinaga muri Kiyovu Sports.

Umwaka ushize w’imikino 2015-2016, iyi kipe yatozwaga na Gatera Alphonse yasoje ku mwanya wa 11 n’amanota 33 aho mu mikino 30 yatsinze 7,inganya 12 itsindwa 11.

 

Comments

 
 
Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

 Minnaert mu minsi 10 ye ya mbere nk’umutoza wa Mukura
Minnaert mu minsi 10 ye ya mbere nk’umutoza wa Mukura

Ishusho y’iminsi 10 ishize Mukura VS ihaye akazi umubiligi Ivan Minnaert ko gusimbura Umurundi Okoko Godefroid weguye ku mpamvu z’umusaruro mubi. Ubuzima ni bushya ku bakinnyi basigaye bakora (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.