Advertisement
 
 
 
 
 
 
 
 

Siporo | Siporo Mu Rwanda

N’iyo twakina inshuro 10 Espoir FC ntiyadutsinda –Umutoza wa APR   

  Yanditswe na BIZIMANA ERIC
 June 2016

 
 

Umutoza APR FC, Nizar Khanfir yanenze ikibuga cya Espoir FC yanganyirijeho n’iyi kipe 0-0 mu mukino ubanza wa ½ cy’igikombe cy’Amahoro wabereye mu karere ka Rusizi ku wa Kabiri taliki 28 Kamena 2016.

Khanfir unafite umukino wo kwishyura kuri uyu wa Gatanu taliki 01 Nyakanga 2016 uzabera kuri Sitade ya Kigali yatangaje ko yabonye Espoir FC nk’ikipe nziza kandi ifite abana bazi umupira.

Uyu mutoza yongeyeho ko n’ubwo iyi kipe ari nziza idashobora kumutsinda bari ku kibuga cyiza cyane ko n’umukino Espoir FC iheruka kumutsindamo igitego 1-0 muri shampiyona wari wabereye i Rusizi.

Yagize ati "Hariya ntitwakinnye na Espoir FC ahubwo twakinye n’ikibuga, ikibuga udatangamo umupira uko ubyifuza. Espoir FC ni ikipe nziza ariko APR FC ni ikipe nkuru kandi ikomeye kuyirenza. Ni yo twakina inshuro 10 nabo ntibadutsinda keretse babifashijwe n’ikibuga cyabo kibi".

PNG - 508.6 kb
Umutoza wa APR FC, Nizar Kanfir

Khanfir yemeza ko bagomba kubona itike yo kujya ku mukino wa nyuma w’igikombe cy’Amahoro kuko bazaba bakinira ku kibuga cyiza.

Uyu mutoza yongeye kunenga FERWAFA ku buryo yagennye imikino yegeranye ku buryo abakinnyi be bavuye i Rusizi bafite umunaniro nyamara bafite amasaha 48 gusa yo gutegura undi mukino.

Ati "Dusabwa kugera ku mukino wa nyuma. Bidasubirwaho tuzatsinda, kabone n’ubwo twanganyirije iwabo 0-0. Ikibazo ntidufite igihe cyo kwitegura. Ni ugushaka uko twagabanya umunaniro nta kindi”.

 

Comments

 
 
 Minnaert mu minsi 10 ye ya mbere nk’umutoza wa Mukura
Minnaert mu minsi 10 ye ya mbere nk’umutoza wa Mukura

Ishusho y’iminsi 10 ishize Mukura VS ihaye akazi umubiligi Ivan Minnaert ko gusimbura Umurundi Okoko Godefroid weguye ku mpamvu z’umusaruro mubi. Ubuzima ni bushya ku bakinnyi basigaye bakora (...)

Uko umunsi wa nyuma w’igura ry’abakinnyi ryari riteye
Uko umunsi wa nyuma w’igura ry’abakinnyi ryari riteye

Isoko ry’igura n’igurisha ry’abakinnyi ryo hagati mu mikino ibanza ya 2016-2017 ryaraye rifunze hano mu Rwanda. Nk’ibisanzwe ni isoko rititabiriwe cyane nk’iryo muri Nyakanga 2016, amwe mu makipe (...)

APR FC yerekeje muri Zambia
APR FC yerekeje muri Zambia

Ikipe ya APR FC yageze i Lusaka muri Zambia mu rukerera rwo kuri uyu wa Kane taliki 09 Gashyantare 2017 aho yagiye gukina n’ikipe ya Zanaco FC mu mikino y’Afurika y’amakipe yabaye aya mbere iwayo (...)

Jimmy Mulisa yiteguye kwitwara neza muri Zambia
Jimmy Mulisa yiteguye kwitwara neza muri Zambia

Umutoza w’ikipe ya APR FC, Mulisa Jimmy atangaza ko biteguye kujya muri Zambia bakitwara neza bakabona intsinzi. Zanaco FC yo muri Zambia izahura na APR FC mu mikino y’Afurika y’amakipe (...)

Musanze FC yirukanye abakinnyi bane
Musanze FC yirukanye abakinnyi bane

Ubuyobozi bw’ikipe ya Musanze bwamaze kwirukana abakinnyi bane batitwaye neza mu mikino ibanza ya shampiyona. Abo ni Hategekimana Bonaventure Gangi wasezerewe ku mpamvu z’uburwayi amaranye iminsi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.