Advertisement
 
 
 
 
 
 
 
 

Siporo | Siporo Mu Rwanda

U Bubiligi: Myugariro w’Ikipe y’u Rwanda yerekeje mu ikipe yo mu cyiciro cya kabiri   

  Yanditswe na BUGINGO Fidèle
 June 2016

 
 

Nirisarike Salomon, myugariro w’ikipe y’u Rwanda “Amavubi” wakiniraga ikipe ya Saint Trond mu cyiciro cya mbere mu Bubiligi, yamaze guhindura ikipe akaba yarekeje mu ikipe ya Tubize mu cyiciro cya kabiri.

Nyuma yo gusinya imyaka ibiri muri Tubize Nirisarike yatangarije Imvaho Nshya ko amasezerano ye muri Saint Trond yararangiye ariko kuko yifuza ikipe azabona umwanya uhagize wo gukina yahisemo Tubize. Yagize ati “Uyu mwaka ntabwo muri Saint Trong nabonye umwanya wo gukina cyane, ngiye muri Tubize kugira ngo nzabashe gukina imikino myinshi”.

Nirisarike akomeza avuga ko Tubize ari ikipe nziza nayo ifite gahunda zo kuzamuka mu cyiciro cya mbere. Iyi kipe shampiyona ya 2015-2016 mu cyiciro cya kabiri yasoje iri ku mwanya wa 4 n’amanota 57. Nirisarike avuga ko hari n’amandi makipe amwifuza ku mugabane w’u Burayi. Yagize ati “Ndi hafi kubona ubwenegihugu bw’u Bubiligi bizanyorohera rero gukina mu yandi makipe hano i Burayi kuko hari byinshi bigabanuka nk’imisoro n’ibindi”.

JPEG - 248.8 kb
Nirisarike Salomon amaze gusinyira imyaka ibiri mu Ikipe ya Tubize mu cyiciro cya kabiri mu Bubiligi

Ubwo Amavubi aheruka gukina na Mozambique mu gushaka itike ya CAN 2017, taliki 04 Kamena 2016, Nirisarike Salomon ntabwo yitabiriye umwiherero w’ikipe y’igihugu havugwa byinshi birimo ko yaba yarivumbuye kubera kuko ku mukino waherukaga Amavubi yatsinzemo Mauritius ibitego 5-0 yabanje ku ntebe y’abasimbura. Nirisarike yatangarije Imvaho Nshya ko nta kibazo na gito afite ko yiteguye kugaruga mu ikipe y’igihugu igihe umutoza azaba amuhamagaye.

Nirisarike Salomon iyi kipe ya Tubize agiye gukinira ni iya 3 nyuma ya Antwerp FC mu cyiciro cya kabiri yageze muri 2012-2014 na Saint Trond yaramazemo imyaka ibiri aho yayikiniye muri 2014-2015 mu cyiciro cya kabiri n’uyu mwaka w’imikino usojwe wa 2015-2016 ariko iri mu cyiciro cya mbere.

Ikipe ya Saint Trond Nirisarike avuyemo yakinwemo n’uwahoze ari kapiteni w’Amavubi, Mbonabucya Desire naho Tubize agiyemo yaciyemo Jimmy Mulisa ubu akaba ari umutoza wungirije mu ikipe y’igihugu.

 

Comments

 
 
Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.