Advertisement
 
 
 
 
 
 
 
 

Siporo | Siporo Mu Rwanda

Mutuyimana yiteguye kwicaza kapiteni wa Rayon Sports   

  Yanditswe na BIZIMANA ERIC
 5 months ago

 
 

Mutuyimana Evariste, umukinnyi mushya w’ikipe ya Rayon Sports aratangaza ko yiteguye kuzicaza Ndayishimiye Eric uzwi nka Bakame, umunyezamu akaba na kapiteni w’ikipe ya Rayon Sports.

Ibi yabitangaje nyuma yo kwerekeza muri Rayon Sports avuye muri Sofapaka yo muri Kenya yari amazemo imyaka ibiri. Mutuyimana avuga ko yagarutse mu Rwanda afite intego zo kugaruka mu ikipe y’igihugu “Amavubi” akazabigeraho abonye umwanya ubanzamo muri Rayon Sports.

Mutuyimana yemeza ko bizamusaba guhanganira umwanya na Bakame.

Ati ’’Urebye sinaba nimero ya kabiri. Umutoza ni we ugomba guhitamo uzaba ari mwiza ni we uzajya ujya mu izamu. Nzi ko no kwitwara neza bizongera bisubire hejuru kuko nawe azi ko hari undi ukeneye amahirwe’’.

JPEG - 287.3 kb
Mutuyimana Evariste witeguye guhanganira umwanya ubanzamo muri Rayon Sports

Mutuyimana yungamo ko yamenyereye kurwanira umwanya kuva yagera muri Kenya ahari abanyezamu benshi kandi bashoboye.

Mutuyimana avuga ko yasinyiye Rayon Sports nyuma yo kumara imyaka ibiri muri Sofapaka ,ikipe yajemo ibibazo by’amikoro ku munota wa nyuma.

Ati “Umwaka wa mbere twari tumeze neza. Tugeze mu kwa kane mu mwaka wa kabiri, umuterankunga yagiranye ibibazo n’ikipe aza kwikuramo, dusigarana nta muterankunga. Abakinnyi ntibabashije kubyihanganira benshi bahita bavamo, nanjye amasezerano arangiye nanga kongera amasezerano kuko nta muterankunga wari uhari”.

Asoza yizeza abakunzi ba Rayon Sports ko aje gufatanya na bagenzi be kugira ngo bafashe iyi kipe kubona ibikombe. Mutuyimana yakiniye amakipe atandukanye yo mu Rwanda, arimo AS Kigali, Kiyovu Sports na Police FC. Anakinira ikipe y’igihugu imikino itanu y’amarushanwa mu gushaka itike ya CAN 2013.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.