2017-08-22 09:34:31 clouds 27o High | Kigali Rwanda

Dukurikire:
 
 

Musanze FC iripima na AS Kigali mu kwitegura shampiyona

Yanditswe na IMVAHO NSHYA

Kuya 2016-08-31 06:17:28

 
Share on:
 
Yasuwe:7
 
Yavuzweho:200
 
10
 
10

Ikipe ya Musanze FC irakina na AS Kigali umukino wa gicuti wo kwitegura shampiyona, umukino ubera kuri Sitade ya Kigali i Nyamirambo kuri uyu wa Gatatu taliki 31 Kanama 2016 saa cyenda n’igice (15h30).

Ni umukino wo kugerageza abakinnyi bashya ku mpande zombi. Habimana Sosthene, umutoza mukuru wa Musanze yabwiye Imvaho Nshya ko ari amahirwe yo kugerageza abakinnyi bashya baniganjemo abari mu igeragezwa bavuye mu makipe atandukanye y’icyiciro cya kabiri.

Habimana yagize ati ’’Tumaze ibyumweru bibiri dukora imyitozo n’abakinnyi bashya biganjemo abavuye mu cyiciro cya kabiri, turacyakomeza kubakoresha kugira ngo tubone abazadufasha’’.

JPEG - 167 kb
Habimana Sosthene, umutoza wa Musanze FC, ugiye kugerageza abakinnyi be akina na AS Kigali

Habimana akavuga ko uyu mukino uzamwereka uko ikipe ye izaba ihagaze muri shampiyona atekereza ko bakwiye kuza mu makipe y’imbere.

Ati ’’Ab’i Musanze batube inyuma, tuve mu bibi twari tumazemo hafi imyaka ibiri, itari muri ya yandi aba mu makipe yenda kumanuka’’.

Musanze FC yamaze kugura abakinnyi batatu mu munani bashya baziyongera muri iyi kipe. Abo ni Mutombo Govin wanyuze muri Rayon Sports na Segawa Mike na Ukobizaba François bavuye muri Sunrise FC.

Biteganyijwe ko Musanze FC izatangira shampiyona ikinira i Nyakinama mu gihe Sitade ya Musanze igitunganywa kugeza mu Gushyingo 2016. Musanze FC yari imaze iminsi ikorera imyitozo ku kibuga cy’ishuri rya Polisi riri mu Mujyi wa Musanze.

Iyi kipe yasoje shampiyona ku mwanya wa 14 aho na yo yageze ku munsi wa nyuma ishobora kumanuka mu cyiciro cya kabiri.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE