2017-08-17 13:46:28 clouds 27o High | Kigali Rwanda

Dukurikire:
 
 

Mukura yategetse umutoza Okoko kutazava mu myanya itatu ya mbere

Yanditswe na IMVAHO NSHYA

Kuya 2016-07-20 07:01:34

 
Share on:
 
Yasuwe:2
 
Yavuzweho:200
 
10
 
10

Ubuyobozi bw’ikipe ya Mukura VS bwabwiye umutoza Okoko Godefroid wamaze gusoza amasezerano ye, ko kugira ngo ahabwe andi mashya ari uko yiyemeza ko azagumisha Mukura VS mu makipe atatu ya mbere kuva shampiyona itaha itangiye kugeza irangiye.

Umunyamabanga mukuru w’iyi kipe, Sheikh Habimana Hamdan yabwiye Imvaho Nshya ko basanze uyu mutoza akwiye amasezerano mashya nyuma yo kugeza Mukura ku mwanya wa gatatu muri shampiyona ya 2015-2016 mu gihe yari yasabwe umwanya wa kane.

Habimana yatangaje ko inama ya Komite nyobozi ya Mukura yabaye ku cyumweru gishize taliki 17 Nyakanga 2016 yemeje ko ibi byifuzo bigezwa ku mutoza Okoko akabyigaho yabona azabishobora akabona gusinya amasezerano mashya mu gihe kitarenze icyumweru.

JPEG - 151.9 kb
Okoko wahawe amasezerano ngo abanze abyigeho mbere yo gusinya

Uyu munyamabanga yavuze ko Mukura ishaka igikombe mu bikombe byo mu Rwanda no kutarenga umwanya wa gatatu kuva shampiyona itangira kugeza shampiyona irangiye.

Ati “Mu gihe bitagezweho azasezererwa nta nteguza”.

Habimana yashimangiye ko biteguye guha uyu mutoza igishoboka cyose kugira ngo agere kuri izi ntego. Muri uyu mwaka Mukura VS yari yasoje ku mwanya wa gatatu n’amanota 60 irushwa inota rimwe na Rayon Sports ya kabiri.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE