2017-06-25 11:03:04 clouds 27o High | Kigali Rwanda

Dukurikire:
 
 

Muhombo wakiniye Amavubi U-17 yabonye ikipe mu Bwongereza

Yanditswe na Claude Ntawitonda

Kuya 2016-07-03 18:33:24

 
Share on:
 
Yasuwe:3
 
Yavuzweho:200
 
10
 
10

Muhombo Kevin wakiniraga ikipe y’abana muri Tubize mu cyiciro cya kabiri mu Bubiligi akaba yarakiniye Amavubi U-17 muri 2014 yamaze kwerekeza mu ikipe ya Chesterfield FC yo mu cyiciro cya 3 mu Bwongereza.

Nk’uko tubikesha urubuga walfoot.be, Muhombo Kevin w’imyaka 17 ukina hagati mu kibuga yerekeje muri iyi kipe ya Chesterfield FC mu gihe cy’umwaka umwe. Akaba atangaza ko yishimye kwerekeza muri iyi kipe kandi ko yizeye kuzitwara neza.

Muhombo ubusanzwe ni umuhungu wa Muhombo Jean Pierre, umwe mu banyarwanda bafite ibyangobwa byemewe na FIFA byo gushakira abakinnyi amakipe ( Agents de Joueurs de la FIFA). Muhombo Jean Pierre yatangarije Imvaho Nshya ko umuhungu we yagiye gukora igeragezwa nyuma bakababwira ko yatsinze, akaba yarasinye umwaka umwe muri iyi kipe.

Muhombo Jean Pierre (ibumoso) n'umuhungu we Muhombo Kevin ubwo yaramaze gusinya amasezerano mu ikipe ya Chesterfield FC

Yakomeje avuga ko nyuma y’umwaka umwe bazareba uko yitwaye niba yazamuka mu ikipe ya mbere kuko aracyafite imyaka 17. Ati “Ikipe nk’iyi irera abana ubundi ikabagurisha”. Ikipe ya Chesterfield FC, Muhombo yerekejemo yashinzwe mu 1866 ntabwo irabasha gukina mu cyiciro cya mbere gusa mu 1997 yigeze kugera muri ½ muri FA Cup. Umwaka w’imikino wa 2015-2016 iyi kipe yasoje iri ku mwanya wa 18.

Muhombo Kevin yahamagawe bwa mbere mu ikipe y’igihugu y’u Rwanda y’abatarengeje imyaka 17 muri 2014 ubwo hashakishwaga itike ya CAN U-17 ya 2015. Amavubi U-17 yasezerewe na Uganda mu cyiciro cya kabiri cyo gushaka itike ku bitego 7-2 mu mikino yombi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE