2017-08-21 15:16:56 clouds 27o High | Kigali Rwanda

Dukurikire:
 
 

Muhe Kiyovu imikino itanu, murebe aho izaba igeze-Munyengabe

Yanditswe na IMVAHO NSHYA

Kuya 2016-11-24 06:56:25

 
Share on:
 
Yasuwe:0
 
Yavuzweho:200
 
10
 
10

Umuvugizi w’ikipe ya Kiyovu Sports, Munyengabe Omar asanga ikipe ye igomba kugaruka mu makipe ari imbere mu rutonde rwa shampiyona.

Aganira n’Imvaho Nshya kuri uyu wa Gatatu mbere y’uko Kiyovu Sports yongera gusubiramo umukino wasubitswe ku munota wa 78 imaze gutsinda Musanze FC, Munyengabe yashimangiye ko ikipe yabo iri mu nzira nziza n’ubwo bwose iri ku mwanya wa 12 n’amanota 3 mu mikino ine.

Yagize ati “Nkurikije ikipe na Politike dufite n’umusaruro dufite ntabwo umusaruro ari mubi. Intego yacu yari ugukoresha abana bato. Tugakora ikipe y’igihe kirekire. Urumva abana wafashe, bataramenyerana; bakaba bafite amanota atatu kuri 12 kuri njye si umusaruro mubi. Kuri twe, umusaruro wo mu kibuga ni mwiza ikibazo kiracyari umusaruro mu manota, ariko na byo bizaza ukurikije uko ibintu bigenda buri munsi”.

Kiyovu igomba gusubiramo umukino yakinnye na Musanze FC ugahagarikwa n'imvura

Umuvugizi wa Kiyovu Sports yemeza ko mu mikino itarenze itanu ya shampiyona; iyi kipe izaba yagarutse mu makipe ari imbere. Ati “Uhereye uyu munsi ubare imikino itanu, uzarebe umwanya tuzaba turiho. Tuzaba twamaze kugaruka mu myanya yacu ya hafi. Ibyo tubishingiye ku bunararibonye bw’ umutoza n’uburyo abakinnyi bagenda bazamura urwego ariko bagenda bamenyerana. Ikindi n’ imikino twatsinzwe ntitwabaga twakinnye nabi twaburaga amahirwe gusa”.

Uyu munsi
Kiyovu-Musanze (Mumena-15h30)

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE