Advertisement
 
 
 
 
 
 
 
 

Siporo | Siporo Mu Rwanda

Muhanga: Bagiye gutangiza ikipe y’amagare   

  Yanditswe na BIZIMANA Eric
 March 2016

 
 

Ubuyobozi bw’akarere ka Muhanga bwemeje ko bugiye gushinga ikipe y’umukino wo gusiganwa ku amagare isanga iy’umupira w’amaguru “AS Muhanga”.

Gashugi Innocent, umuyobozi ushinzwe siporo mu karere ka Muhanga yavuze ko iyi kipe izashyirwaho nyuma yo gutoranya abakinnyi bakomoka muri aka karere bafite ubuhanga muri uyu mukino.

Mu kiganiro yagiranye n’Imvaho Nshya, Gashugi yagize ati "Gutoranya aba bakinnyi bizakorerwa mu irushanwa rizaba mu byumweru bibiri rihere mu mujyi wa Muhanga rigere ku Cyome kuri Nyabarongo ku rugabano rw’akarere ka Muhanga na Ngorerero bagaruke basoreze kuri Sitade ya Muhanga".

JPEG - 24 kb
Gashugi Innocent, ushinzwe ibikorwa bya Siporo mu Karere ka Muhanga

Gashugi yashimangiye ko bamaze kubona abasiganwa 60 biyandikishije basaba kuryitabira, gusa uyu mubare ukaba uziyongera kuko hari benshi babyifuza, akaba yaranabashishikarije gukomeza kwiyandikisha ku biro by’akarere ka Muhanga.

Akomeza avuga ko iyi kipe yashinzwe mu rwego rwo kuzamura kuzamura imikino yose muri aka karere ku buryo nta mpano izapfukiranwa y’umunya Muhanga ndetse iyi kipe ikaba izaba iri mu biganza by’akarere.

Ku bijyanye n’ingengo y’imari iyi kipe izakoresha, Gashugi atangaza ko batarayigena, ariko ko idakwiye kuba ikibazo kuko hari amafaranga yagenewe siporo akubiye mu ngengo y’imari y’akarere azatangwa muri Nyakanga 2016.

Imvaho Nshya yashatse kumenya impamvu aka karere kiyemeza gushinga ikipe y’amagare nyamara n’iy’umupira w’amaguru yako iri mu cyiciro cya mbere iri mu marembera isubira mu cyiciro cya kabiri; aho abakinnyi bayo bageze naho babura ibikoresho.

Gashugi yashimangiye ko ibibazo bya AS Muhanga bishingiye ku buyobozi bw’ikipe budahamye, cyane ko ibyo basabwa babitanga n’ubwo rimwe na rimwe baba batinze.

Akarere ka Muhanga kabaye akarere ka kabiri kiyemeje gushinga ikipe y’umukino w’amagare nyuma y’akarere ka Nyanza kari kiyemeje gushinga ikipe mu Gushyingo 2015 ari ko kugeza n’ubu ikaba yaraheze mu kirere.

 

Comments

 
 
Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Amagare: Ikipe y’u Rwanda yasoje ari iya gatatu muri Tour du  Cameroun
Amagare: Ikipe y’u Rwanda yasoje ari iya gatatu muri Tour du Cameroun

Ikipe y’u Rwanda yari yitabiriye isiganwa rya “Tour du Cameroun 2017” kuva taliki 11-19 Werurwe 2017 ntabwo yitwaye neza nk’uko byari byitezwe nyuma y’aho umukinnyi waje hafi yaje ku mwanya wa 10 (...)

Umutoza wa APR FC aracyafite icyizere cyo kwegukana igikombe
Umutoza wa APR FC aracyafite icyizere cyo kwegukana igikombe

Nyuma y’umunsi wa 21 wa shampiyona y’icyiciro cya mbere, ikipe ya APR FC iri ku mwanya wa 2 n’amanota 41 irushwa amanota 2 na Rayon Sports iri ku mwanya wa mbere n’amanota 43 gusa iyi kipe ikaba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.