2017-06-25 09:02:18 clouds 27o High | Kigali Rwanda

Dukurikire:
 
 

Mu kwezi kumwe muzambaze niba nziyamamariza kuyobora FERWAFA - V. de Gaulle

Yanditswe na IMVAHO NSHYA

Kuya 2017-03-27 13:46:53

 
Share on:
 
Yasuwe:374
 
Yavuzweho:200
 
10
 
10

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri shyirahamwe.

Ibi yabitangaje mu kiganiro n’itangazamakuru nyuma y’inama y’inteko rusange ya FERWAFA yemeje ko amatora azaba mu mpera z’icyumweru cya kabiri cy’ukwezi kwa Nzeli 2017 aho kuba muri Mutarama 2018 nk’uko byari bisanzwe.

Nzamwita yasobanuye ko baganiriye kuri iyi ngingo nyuma yo kubona ko bigorana kwinjira muri FERWAFA ugasanga shampiyona igezemo hagati nyamara umuyobozi yakabaye ari we witegurira shampiyona y’uwo mwaka.

Ati “Ni ukugira ngo umuyobozi mushya ajya abe afite ukwezi ko gutegura shampiyona bikaba byiza ko azajya aza yiteguriye kuva batorwa’’.

JPEG - 263.4 kb
Perezida wa FERWAFA, Nzamwita Vincent De Gaulle

Umuntu ugomba kwiyamamaza ni umaze imyaka 3 mu buyobozi bw’ikipe

Inteko rusange yongeye kwemeza ko umuntu uzajya ushaka kwiyamamaza agomba kuba amaze nibura imyaka 3 mu buyobozi bw’ikipe

Nzamwita avuga ko ibi bizajya bituma abantu baza muri FERWAFA bazi ibibazo biri mu makipe.

Ati “Icyo tudashaka ni uko umuntu aza afite ibaruwa ngo nanyuze muri Pepiniere FC ukaza kuyobora utarigeze unyura mu buyobozi bw’ikipe. Bizagaragazwa na Sitati y’ikipe. Ntabwo uzaza ubeshya ngo uba muri La Jeunesse FC utari kuri Sitati, ntidushaka ka kajagari ko kuva i Burayi ngo uraje ugiye kuyobora, dushaka ko umuntu ujyamo aba azi ibibazo amakipe ahura na byo’’.

Abajijwe niba aziyamamaza, Nzamwita yasubije ko azatanga igisubizo mu kwezi kumwe.

Ati “Ntabwo navuze ko nzareba abanyamuryango si cyo cyanzanye i Gisenyi nzagenda numva umwuka, ninumva utameze neza ….Ariko mu kwezi kumwe mwabimbaza nzabibabwira’’.

Kugeza ubu amakuru avuga ko Murenzi Abdallah wahoze ayobora Rayon Sports na Caesar Kayizari wahoze ayobora FERWAFA ari bamwe mu bifuza kuyobora FERWAFA.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE