2017-12-11 14:03:29 clouds 27o High | Kigali Rwanda

Dukurikire:
 
 

Mourinho yibasiye Wenger umaze imyaka 13 adatwara shampiyona

Yanditswe na IMVAHO NSHYA

Kuya 2017-03-20 05:51:52

 
Share on:
 
Yasuwe:737
 
Yavuzweho:200
 
10
 
10

Umutoza wa Manchester United, Jose Mourinho yongeye gukora mu jisho Arsene Wenger, umutoza umaze imyaka 13 adatwara igikombe cya shampiyona.

Ibi yabibwiye umunyamakuru Nuno Luz wa Televisiyo y’iwabo muri Portugal ya SIC, mu kiganiro kirambuye bagiranye ku mabanga y’ubuzima bwe no ku ikipe arimo gutoza kuri ubu ya Manchester United.

Mourinho ufite amasezerano y’imyaka 3 muri iyi kipe, yavuze ko intego ze aho yajya hose ziba ari ugutwara ibikombe, yibasira abatoza bamara imyaka myinshi badatwara ibikombe barimo na Arsene Wenger.

Ati ’’Ikipe nishaka ko nguma hano nzahaguma, icyangombwa ni uko twese twishima. Gusa mumenye ko ntameze nka ba batoza bamara imyaka 15 ahantu nta cyubahiro barahesha amakipe yabo. Ubuzima bwanjye njye ni ugutsinda. Ni byo bintera ishema’’.

JPEG - 69.3 kb
Jose Mourinho

Yanakomeje avuga ko Wenger atajya afatirwa ibihano ni yo yakwitwara nabi gute.

Yifashishije urugero yagize ati ’’Umwaka ushize nabujijwe kwinjira muri Sitade ikipe yanjye yakinnye ngo nakubise umugeri agacupa k’amazi ariko Wenger asunika umusifuzi ntibagira icyo bamuvugaho. Byanyigishije ko ku Isi hari imbaraga utarwanya. Ni ryo somo ry’ubuzima’’.

Manchester United yatakaje icyubahiro cyayo
Muri iki kiganiro, Mourinho yavuze ko na mbere gato y’igenda Alexis Ferguson wari umutoza wayo, Manchester yari yatangiye kuva mu makipe afite igitinyiro.

Mourinho avuga ko n’ubwo atoreza mu mujyi wa Manchester buri munsi aba agomba kujya i Londres ahari umuryango we. Yanavuze ko muri ubu buzima atasiga inshuti ze magara ari bo batoza bamwungiriza mu ikipe agiyemo yose, barimo Rui Furia ngo bamaze kumenyerana kandi baziranye bihagije, ku buryo baba baturanye n’aho acumbika kugira ngo babane ubuzima bwose.

Mu biro bye harimo igare yigishirizaho

Mu biro bya Mourinho habamo ameza, za televiziyo areberaho imikino hamwe n’igare anyonga iyo yishimiye intsinzi. Mourinho avuga ko ririya gare rinamufasha mu gutuma aganira n’abakinnyi cyangwa abatoza abasetsa anabarangaza kugira ngo abakurikire neza.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE