2017-12-12 14:14:08 clouds 27o High | Kigali Rwanda

Dukurikire:
 
 

Minnaert agiye kongererwa amasezerano muri Mukura

Yanditswe na IMVAHO NSHYA

Kuya 2017-05-12 07:26:50

 
Share on:
 
Yasuwe:215
 
Yavuzweho:200
 
10
 
10

Umutoza wa Mukura, Ivan Minnaert mu minsi ya vuba arashyira umukono ku masezerano mashya yo gutoza iyi kipe, imwe mu makipe make yo muri Afurika yemeza ko atangira ku gihe ibyo yemereye abakozi bayo.

Minnaert yasinye amasezerano y’amezi 6 muri Gashyantare 2017 asimbuye Okoko, afasha Mukura kuva mu makipe yashoboraga kumanuka mu cyiciro cya kabiri. Uyu mutoza uhembwa ku giti cye na Perezida wa Mukura, Nizeyimana Olivier agomba gusinya amasezerano mashya mu gihe kitarenze ibyumweru bibiri.

Perezida wa Mukura, Nizeyimana yemeje aya makuru agira ati "Ibiganiro birahari ariko ntibirarangira. Gusa nawe wumva yishimiye ikipe yacu ku buryo avuga ko nta yindi kipe yapfa kongera gutoza mu Rwanda ariko ibyo ntawabigenderaho’’.

JPEG - 76 kb
Umutoza wa Mukura Ivan Minnaert ugiye kongererwa amasezerano

Mu kiganiro cyihariye n’Imvaho Nshya, Minnaert yavuze ko Mukura iyobowe n’umugabo utanga ibyo yiyemeje kandi uba udashaka gusahura ikipe bitandukanye n’andi makipe yaciyemo muri Afurika arimo AFC Leopards yo muri Kenya, Djoliba yo muri Mali na Rayon Sports yo mu Rwanda.

Minnaert yavuze ko kuri ubu atuje mu mutwe kuko abasha kubonera ku gihe ibyo atungisha umuryango we uri mu Burayi.
Ati ’’Ndi umuntu ufite umuryango n’abana mu Burayi kandi ubuzima bwa hariya butandukanye na hano. Sinashobora kubaho ku cyizere, iyo ubaho uzi ko ibyo bakwemereye ubibona, akazi kagenda neza’’.

Minnaert asanga amakipe yajyamo ari make

Muri iki kiganiro, Imvaho Nshya yabajije Minnaert uko bizagenda nabona indi kipe nziza imuha amasezeramo meza kuruta aya Mukura.

Ati ’’Biragoye kuva mu ikipe uhembwa make meza, gusa binabayeho habaho ibiganiro na Perezida Nizeyimana”.

Akomeza avuga ko ari umugabo uhagarara ku ijambo.

Ati ’’Nanabivuganye na Perezida ko hazabamo n’ingingo igaragaza uko bizagenda ningenda, aho ikipe intwaye izishyura. Nka Rayon Sports ntiyabona ayo inyishyura, bivuze ko ntajyayo. Hari andi makipe menshi yanyifuje ariko sinayumva’’.

Uyu mutoza avuga ko atari ikipe nyinshi yajyamo muri Afurika gusa yemeza ko amakipe make yo muri Sudani yabasha kumwishura, muri Afurika y’Epfo, Zambia na Tanzania ariko ahandi oya, kuko bakwemerera amafaranga ariko ntuyabone.

Minnaert kuva yagera muri Mukura amaze gukina imikino 13 atsinda 7 anganya 2 atsindwa 4.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE