Advertisement
 
 
 
 
 
 
 
 

Siporo | Siporo Mu Rwanda

Meya Muhanga yafashe ingamba zo kuzanzamura ikipe   

  Yanditswe na BIZIMANA ERIC
 April 2016

 
 

Umuyobozi w’Akarere ka Muhanga, Uwamariya Beatrice asanga hari ibintu bine byakorwa kugira ngo ikipe AS Muhanga ive mu makipe asubira mu cyiciro cya kabiri.

Ibi yabivugiye mu nama y’inteko rusange y’ikipe yateranye ku cyumweru taliki 10 Mata 2016 ishyiraho ubuyobozi bushya inasuzuma bimwe mu bibazo biri muri iyi kipe.

Muhanga yari ibayeho mu buzima bugoye

Abakinnyi 12 muri 26 ni bo baba mu icumbi ry’akarere naryo ritameze neza, bakishakira ibyo kurya. AS Muhanga imaze kugenerwa n’akarere miliyoni 30 n’ibihumbi 700 muri miliyoni 60 bazahabwa, aya nayo ariko ntiyigeze azira ku gihe.

JPEG - 128.2 kb
Umuyobozi w’Akarere ka Muhanga Uwamariya Beatrice (Foto Muhizi E)

Iyi kipe ifitiye abakinnyi bayo ibirarane by’imishahara y’amezi ane angana na miliyoni 14, asanga miliyoni 3 bari bafitiye abakinnyi bayikiniye mu cyiciro cya kabiri, miliyoni 3.6 z’umwenda bahawe n’abakozi b’akarere n’ibihumbi 700 bafitiye abacuruzi bo mu mujyi wa Muhanga.

Iyi kipe yari isigaranye imyenda ibiri yo gukinana, ariko umwe wamaze gusaza. Hakiyongeraho n’ibindi bikoresho nk’inkweto n’imipira yo gukina. Byagaragajwe ko nta faranga na rimwe riri kuri konti y’iyi kipe.

Hashyizweho ubuyobozi bushya

Iyi nteko rusange yashyizeho ubuyobozi bushya busimbura komite yari iy’agateganyo. Hatowe komite nyobozi y’abantu batanu na Komite ngenzuzi. Bwa mbere mu mateka, AS Muhanga ishyiraho umunyamabanga mukuru n’umubitsi, imirimo yakorwaga na Perezida w’ikipe ubusanzwe.

Perezida mushya wa AS Muhanga yabaye Ndayisaba Jean Damascène, usanzwe uyobora ikipe ya Magic, yungirizwa na Ntivuguruzwa Severain naho Bisangwabagabo Yusuf aba umunyamabanga mukuru. Shema Olivier aba umubitsi.

Ingamba 4 zo kuzahura iyi kipe

Umuyobozi w’Akarere ka Muhanga, Uwamariya Beatrice wari witabiriye iyi nama yagaragaje ingamba 4 zizazanzamura iyi kipe ikava ku mwanya wa nyuma iriho n’amanota 4 ikaza mu makipe atazamanuka mu cyiciro cya kabiri.

Ingamba ya mbere ni iyo gusuzuma uko umutungo w’ikipe wakoreshejwe na komite icyuye igihe. Ingamba ya kabiri nk’uko Uwamariya abisobanura, ni ukuvugurura imibanire n’abakinnyi ku buryo bazajya bahemberwa ku gihe. Icya gatatu ni uko akarere kazakangurira abaturage kwiyumva mu ikipe yabo bakarekeraho kuyibona nk’iy’akarere gusa.

Icya kane ni uko yijeje ko akarere kagiye kuba inyuma y’ikipe ku buryo bugaragara bitari mu mafaranga gusa ahubwo buri mukino hakazajya haboneka umuntu muri komite nyobozi y’akarere uyiherekeza.

 

Comments

 
 
APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

 Minnaert mu minsi 10 ye ya mbere nk’umutoza wa Mukura
Minnaert mu minsi 10 ye ya mbere nk’umutoza wa Mukura

Ishusho y’iminsi 10 ishize Mukura VS ihaye akazi umubiligi Ivan Minnaert ko gusimbura Umurundi Okoko Godefroid weguye ku mpamvu z’umusaruro mubi. Ubuzima ni bushya ku bakinnyi basigaye bakora (...)

Uko umunsi wa nyuma w’igura ry’abakinnyi ryari riteye
Uko umunsi wa nyuma w’igura ry’abakinnyi ryari riteye

Isoko ry’igura n’igurisha ry’abakinnyi ryo hagati mu mikino ibanza ya 2016-2017 ryaraye rifunze hano mu Rwanda. Nk’ibisanzwe ni isoko rititabiriwe cyane nk’iryo muri Nyakanga 2016, amwe mu makipe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.