Advertisement
 
 
 
 
 
 
 
 

Siporo | Siporo Mu Rwanda

Mbere yo gutaha, ikipe ya Misiri yunamiye abazize Jenoside   

  Yanditswe na BUGINGO FIDELE
 May 2016

 
 

Ikipe ya Misiri mu batarengeje imyaka 20 mbere yo gusubira iwabo hamwe n’abari bayiherejeke basuye urwibutso rwa Jenoside yakorewe Abatutsi muri Mata 1994 ruhereye ku Gisozi mu Mujyi wa Kigali.

Iyi kipe yasuye urwibutso iherekejwe n’Ambasaderi wa Misiri mu Rwanda, Dr Namira Negm ndetse n’uwari waje ayoboye iyi kipe Eng. Ahmed Megahed. Bakigera ku rwibutso rwa Jenoside ku Gisozi bashyize indabo ku mva, basura ibice bitandukanye by’uru rwibutso ndetse banasobanurirwa amateka ya Jenoside yakorewe Abatutsi muri Mata 1994.

Nyuma yo gusura uru rwibutso, uwaje ayoboye iyi kipe ya Misiri U-20, Eng. Ahmed Megahed mu izina ry’Ishyirahamwe ry’umupira w’amaguru mu Misiri ndetse n’ikipe ya Misiri U-20 yanditse mu gitabo cy’abashyitsi ubutumwa bwo kuzirikana abazize Jenoside yakorewe Abatutsi muri Mata 1994.

Eng. Megahed yashimiye Abanyarwanda uburyo babakiriye n’uko babafashe mu gihe cyose bamaze mu Rwanda ndetse anashimira Ambasaderi wa Misiri mu Rwanda.

JPEG - 84.4 kb
Abakinnyi ba Misiri U-20 n’abari babaherekeje bashyira indabo ahashyinguye abazize Jenoside yakorewe Abatutsi muri Mata 1994

Ikipe ya Misiri U-20 yari yaje mu Rwanda gukina n’Amavubi U-20, umukino ubanza wo gushaka itike ya CAN U-20 izabera muri Zambia umwaka utaha wa 2017. Uyu mukino ubanza wari uwo mu cyiciro cya kabiri, Misiri yitwaye neza itsinda Amavubi igitego 1-0 cyabonetse ku munota wa 48 gitsinzwe na Tader Mohamed Ahmed.

Nyuma y’uyu mukino, umutoza wa Misiri Moatemed Gamal yatangaje ko ikipe y’u Rwanda ari ikipe nziza yanakinnye umukino mwiza. Yakomeje avuga ko n’ubwo batsinze ariko ba rutahizamu be batakinnye neza avuga ko mu mukino wo kwishyura biteguye kwitwara neza kurushaho. Gusa nawe yashimye uko bakiriwe mu Rwanda.

Umutoza w’Amavubi, Kayiranga we yatangaje ko byabagoye kwitegura Misiri kuko nta makuru menshi yari ayifiteho gusa icyo yari azi ni uko ari ikipe iba yiteguye. Yakomeje avuga ko abakinnyi be bagerageje kwitwara neza n’ubwo batsinzwe igitego. Kayiranga akaba yaratangaje ko bagiye kwitegura ku buryo bazitwara neza mu mukino wo kwishyura.

Umukino wo kwishyura uzabera mu Misiri taliki 10, 11 cyangwa 12 Kamena 2016. Ikipe izitwara neza igakomeza izahura na Gabon cyangwa Angola mu cyiciro cya gatatu aho ikipe izatsinda izahita ibona itike ya CAN U-20. Gusa Angola mu mukino ubanza yatsinze Gabon ibitego 3-0.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.