2017-07-21 15:15:02 clouds 27o High | Kigali Rwanda

Dukurikire:
 
 

Kwizera Pierrot yagarutse mu bazavamo umukinnyi mwiza wa 2016-2017

Yanditswe na IMVAHO NSHYA

Kuya 2017-07-05 06:20:00

 
Share on:
 
Yasuwe:283
 
Yavuzweho:200
 
10
 
10

Kwizera Pierrot, umurundi ukinira Rayon Sports ari mu bakinnyi batatu bazavamo umukinnyi mwiza w’umwaka w’imikino 2016-2017, aho ibirori byo guhemba abitwaye neza bizaba ku Cyumweru tariki 09 Nyakanga 2017 muri Marriot Hotel.

Ku rutonde rw’abahatanira ibi bihembo “Azam Rwanda Premier League Awards” rwashyizwe ahagaragara n’ishyirahamwe ry’umupira w’amaguru mu Rwanda “FERWAFA”, Kwizera Pierrot wanabaye umukinnyi mwiza w’umwaka wa 2015-2016 azaba ahanganye na Usengimana Danny wakiniraga Police FC na Wai Yeka wa Musanze FC.

Uyu murundi arashakishwa n’amakipe yo hanze kandi ari mu cyiciro cy’abatsinze igitego cy’umwaka aho azaba ahanganye na Nahimana Shassir bakinana muri Rayon Sports. Hari kandi igitego cya Sekamana Maxime (APR FC), Mico Justin (Police FC), Kambale Salita Gentil (Etincelles FC) na Rusheshangoga Michel (APR FC).

JPEG - 91.2 kb
Kwizera Pierrot ukina hagati muri Rayon Sports arahabwa amahirwe yo kongera kuba umukinnyi w’umwaka

Muri ibi bihembo kandi Rayon Sports izaba ihagarariwe na Masudi Irambona Djuma mu cyiciro cy’umutoza mwiza w’umwaka aho ahanganye na Seninga Innocent wafashije Police FC kuza ku mwanya wa kabiri hamwe na Mashami Vincent wubatse igitinyiro cya Bugesera FC akanayishyira ku mwanya wa gatanu.

Mu cyiciro cy’umunyezamu w’umwaka, kapiteni wa Rayon Sports, Ndayishimiye Eric Bakame azahangana na Nzarora Marcel wa Police FC, Kwizera Olivier wa Bugesera FC na Nsabimana Jean de Dieu wa Pepiniere FC yamanutse mu cyiciro cya kabiri.

Mu bandi bagomba guhembwa hari abakinnyi batanga icyizere bayobowe na Nsengiyumva Mustapha, rutahizamu uca ku ruhande wigaragaje muri Rayon Sports, ahanganye na Biramahire Abedi umusore wigaragaje muri Police FC na rutahizamu Nsabimana Olivier wa Marines FC.

Hazanahembwa kandi abatoza batunguranye bakitwara neza muri shampiyona bayobowe na Ndayizeye Jimmy, umurundi wayoboye Espoir FC muri uyu mwaka asoza imikino ibanza ataratsindwa hari na Seninga Innocent wahawe kuyobora Police FC akanayigeza ku mwanya wa kabiri na Habimana Sosthene wa Musanze FC.

Abasifuzi na bo bazahembwa

Hazahembwa umusifuzi mwiza wo hagati mu cyiciro kirimo Hakizimana Louis, Twagirumukiza Abdoul na Ruzindana Nsoro naho mu basifuzi bo ku ruhande hari Ndagijimana Theogene, Hakizimana Ambroise na Niyitegeka Jean Bosco.

Muri ibi bihembo Rayon Sports inafite kandi amatsinda abiri y’abafana (Gikundiro Forever na March Generation) azatoranywa mu bafana beza aho ari mu cyiciro kimwe na APR Fan Club Online hamwe na Asman wa AS Kigali.

Ikipe y’umwaka izatoranywa n’ishyirahamwe ry’abanyamakuru b’imikino mu Rwanda “AJSPOR”, iri shyirahamwe kandi rizanatora umunyamakuru mwiza w’umwaka. Ibi bihembo bikaba bizatangwa na AZAM itera inkunga shampiyona y’u Rwanda.

BIZIMANA ERIC

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE