Advertisement
 
 
 
 
 
 
 
 

Siporo | Siporo Mu Rwanda

Kiyovu Sports yajuririye icyemezo cyo guha Seninga miliyoni 6   

  Yanditswe na BIZIMANA Eric
 May 2016

 
 

Ubuyobozi bw’ikipe ya Kiyovu Sports bwamaze kujuririra icyemezo cyafashwe na komisiyo y’imyitwarire mu Ishyirahamwe ry’umupira w’amaguru mu Rwanda “FERWAFA” cyayitegetse gutanga miliyoni 6 z’amafaranga y’u Rwanda zihwanye n’imishahara y’amezi atandatu ya Seninga Innocent wari umutoza wayo wirukanwe mu buryo bunyuranyije n’amategeko.

Aganira n’Imvaho Nshya ejo hashize ku wa Kane taliki 26 Gicurasi 2016, Manirarora Elie, umunyamabanga mukuru wa Kiyovu Sports yatangaje ko abaciye uru rubanza bazanyemo kubogama bakanzura ko Kiyovu Sports itegetswe gutanga aya mafaranga kuko yirukanye uyu mutoza mu buryo bunyuranyije n’amategeko.

Manirarora yavuze ko mu bujurire bwabo bagarutse ku ngingo eshatu barenganyijwemo n’abaciye urubanza. Ingingo ya mbere ni iy’uko Seninga yataye akazi akajya mu mahugurwa yo mu Busuwisi adahawe uruhushya n’ubuyobozi bwa Kiyovu Sports yanavayo ntasubire ku kazi.

Manirarora ayisobanura muri aya magambo "Ese agenda hari uruhushya twamuhaye? Iyaba agiye mu kazi kacu twari kumuha ordre de mission agatanga na raporo.Twebwe twemeza ko yagiye atorotse nta ruhushya nk’ubuyobozi. N’uwarumuhaye twaramuhagaritse. Ingingo ya 4 n’iya 6 y’amasezerano ye ni nayo ivuga ko yagombaga gutoza imikino yose".

JPEG - 202.3 kb
Seninga Innocent uvuga ko ubujurire bwa Kiyovu ntacyo buzafata kuko afite impapuro zigaragaza ko ibyo bamushinja atari byo (Foto Gentil)

Manirarora yanavuze ko mu gihe Seninga yari mu Rwanda avuye mu mahugurwa hari imikino atatoje yo mu irushanwa rya Rayon Sports Xmass Cup ryabaye mu Gushyingo 2015.

Imvaho Nshya yashatse kumenya icyatumye banga guha uruhushya Seninga wari ugiye kwihugura , nyamara yari yanditse ibaruwa abisaba. Umunyamabanga mukuru wa Kiyovu Sports, unari mu buyobozi bwa Komite Olempike yari imwohereje yavuze ko yari agiye mu nyungu ze bwite zidafite aho zihuriiye n’iza Kiyovu Sports.

Ati "Kontaro yavugaga ko yagombaga gutoza imikino yose, twari kumusubiza tumubwira iki? Ikindi yari agiye mu mahugurwa ya Komite Olempike, nanjye mbamo, nta hantu bihuriye n’umupira n’ibintu byo kwiga iby’ubuyobozi (administration) by’umupira ntaho bihuriye n’ubutoza".

Seninga Innocent, kuri ubu uri muri Etincelles FC we yemeza ko Kiyovu Sports izatsindwa ubu bujuririe byanze bikunze.

Ati "Nagiye kwiga babizi, biri no mu byabatsinze kuko hari impapuro bansinyiye banyemerera kugenda, iby’umusaruro muke ntabyo kuko navuyemo nta mukino ntsinzwe. Ibyo kujurira sinzi icyo bazageraho".

Seninga yari yahawe akazi mu gihe cy’umwaka taliki 25 Kanama 2015 yirukanwa taliki taliki 14 Mutarama 2016. Byitezwe ko ubu bujuririre buzasuzumwa n’akanama k’ubujire ka FERWAFA kakemeza niba bufite ishingiro.

Ingingo ya kabiri Kiyovu Sports yahakanye n’iy’uko birukanye Seninga bamuziza umusaruro muke kandi nta ntego bari bamuhaye cyo kugeraho ku buryo byakumvikana ko yayinaniwe.

Manirarora yavuze ko mu ngingo ya kane y’amasezerano yabo na Seninga hagaragaramo neza icyo iyi kipe yifuzaga kugeraho. Indi ngingo Kiyovu Sports itemera ni iyo kumwishyura amezi yari asigaje gukora kandi aho ari naho ari gukora nk’umutoza.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.