2017-10-22 09:16:35 clouds 27o High | Kigali Rwanda

Dukurikire:
 
 

Kiyovu Sports: Lomami yashimangiye ko nta kibazo afitanye na Kanamugire

Yanditswe na IMVAHO NSHYA

Kuya 2016-11-03 09:43:15

 
Share on:
 
Yasuwe:3
 
Yavuzweho:200
 
10
 
10

Lomami André, rutahizamu w’ikipe ya Kiyovu Sports yashimangiye ko nta kibazo afitanye n’umutoza we Kanamugire Aloys.

Amakuru y’uku kutumvikana kw’aba bombi yatangiye guhwihwiswa n’abakunzi ba Kiyovu Sports nyuma y’uko Lomami, watsindiye Kiyovu Sports ibitego byinshi (14) mu mwaka ushize, atari yakagaragaye mu mikino itatu ya shampiyona y’iyi kipe muri uyu mwaka.

Kuri Lomami, kutabona amahirwe yo gukina byatewe no kutababasha guhanganira umwanya mu banyamahanga bane b’iyi kipe barimo Abarundi babiri (Mustafa Francis na Blaise Bigirimana) n’Abakongomani babiri (Mukamba Namasombwa na Lomami Andre).

JPEG - 31.9 kb
Lomami Andre

Lomami yagize ati ’’Simperutse gukina ni byo ariko impamvu ni uko nkina nk’umunyamahanga kandi turi bane muri Kiyovu ubwo rero umutoza yaranganirije ansaba kongera imbaraga. ’’

Yungamo ati: ’’Abafana bavuga ko dufitanye ikibazo si byo kuko tugifitanye nakivuga. Hagati yanjye n’abatoza nta kibazo gihari kandi turigukorana neza.’’

Kanamugire Aloys, umutoza wa Kiyovu Sports nawe ashimangira ko Lomami atari mu bihe bye byiza.

Kanamugire yagize ati ’’Umutoza agira amahitamo ye ariko akagira n’ibyo aganira n’abakinnyi. Ubutaha Lomami mushobora kuzamubona cyane ko Kiyovu Sports itigeze imwirukana, ahubwo ubu ndi gushakisha abantu bajya bakinana bagahuza. Igihe ni kigera azaza.’’

Kiyovu Sports kuri ubu iri ku mwanya wa 13 n’amanota atatu mu mikino itatu; nyuma yo kunyagirwa na Bugesera 3-0 na Gicumbi 4-1, igatsinda bigoranye Amagaju ibitego 3-2.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE