Advertisement
 
 
 
 
 
 
 
 

Siporo | Siporo Mu Rwanda

Kiyovu iri mu gihe cyo kwiyubaka, gutsindwa si igitangaza rero – Umutoza Kanamugire   

  Yanditswe na BIZIMANA Eric
 2 months ago

 
 

Umutoza w’ikipe ya Kiyovu, Kanamugire Aloys arasaba abakunzi ba Kiyovu Sports kwihanganira umusaruro mubi w’iyi kipe muri iyi minsi nyuma yo gutsinda ibitego 4-1 n’ikipe ya Gicumbi FC.

Uretse uyu mukino, ikipe ya Kiyovu Sports yatsinzwe na Bugesera FC ku munsi wa mbere wa shampiyona ibitego 3- 0 inatsinda bigoranye Amagaju FC ibitego 3-2. Umutoza wa Kiyovu, Kanamugire yumvikanisha ko yatakaje iyi mikino ku makosa rusange y’ikipe itaramenyerana.

Yagize ati “Ntabwo igitego gitsindwa kuko amakosa yaturutse inyuma gusa ni amakosa rusange. Ushobora gutsindwa kuko hari umupira batakaje imbere , cyangwa dutakaje umupira hagati cyangwa bikaba ab’inyuma bagahagaze nabi. Gutsindwa simbibarira ku ruhande uru ahubwo njye mbifata ku ikipe yose’’.

JPEG - 285.3 kb
Abakunzi n’iyi kipe barifuza ko Lomami Andre wabatsindiye ibitego 14 umwaka ushize yagaruka mu kibuga.

Kanamugire akomeza avuga ko iyi kipe ikomeje kwiyubaka, ari nayo mpamvu iri gutakaza imwe mu mikino yagakwiye kuba itsinda. Yagize ati ’’Ikipe dufite ni yo turikugerageza kubaka y’igihe kirekire. Niba uyu munsi bitagenze neza ubutaha tuzakosora. Gutsindwa ni ikibazo rusange simbibarira ku mukinnyi runaka’’.

Yakomeje agira ati “Kiyovu yihaye igihe, ibi ni nko kwigisha, iyo wigisha umuntu ntuvuga ngo arahita abifata, hari igihe abifata uyu munsi, akabifata ejo cyangwa ntazanabifate burundu. Abakunzi b’iyi kipe bumve ko Kiyovu iri mu gihe cyo kwiyubaka, si igitangaza kuba rero itsinzwe imikino ibiri, hari n’igihe izagera igatsinda, ariko si ukuvuga ko tuzatsindwa imikino yose’’.

Kiyovu Sports ntiragirira icyizere rutahizamu Lomami Andre wayitsindiye ibitego 14 mu mwaka ushize wa shampiyona 2015-2016 ku mpamvu zo kwiga abakinnyi bahari no kwiga niba abasigaye bahuza nk’uko bisobanurwa na Kanamugire utoza iyi kipe.

Kanamugire avuga ko “Bagiye gukosora uburyo bitwara iyo batakaje umupira niyo bawubonye mu mikino iri imbere”.

Ikipe ya Kiyovu ku munsi wa 4 wa shampiyona izasura Mukura i Huye taliki 05 Ugushyingo 2016. Aya makipe yombi akaba ataratangiye neza kuko Mukura nayo imaze imikino 2 idatsinda nyuma yo gutsindwa na Etincelles FC ndetse na APR FC. Uyu mukino rero ukaba uzaba ukomeye kuri aya makipe yombi.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Espoir FC yaguze umukinnyi ukomoka muri Cameroun
Espoir FC yaguze umukinnyi ukomoka muri Cameroun

Ikipe ya Espoir FC yo mu Karere ka Rusizi yamaze gusinyisha rutahizamu ukomoka muri Cameroun witwa Akono Isidore Olivier wakiniraga ikipe ya Soana FC yo muri Uganda. Umutoza wa Espoir FC, (...)

Police FC: Seninga ahangayikishijwe no kubura kapiteni we
Police FC: Seninga ahangayikishijwe no kubura kapiteni we

Umutoza mukuru wa Police FC, Seninga Innocent aravuga ko ahangayikishijwe bikomeye no kubura kapiteni Twagizimana Fabrice bakunze kwita “Ndi ku kazi’’ wavunikiye bikomeye ku mukino Police FC (...)

Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.