Advertisement
 
 
 
 
 
 
 
 

Siporo | Siporo Mu Rwanda

Kaze Cedrick wigeze gutoza Mukura yagizwe umutoza mu ishuri rya FC Barcelona   

  Yanditswe na BIZIMANA Eric
 May 2016

 
 

Kaze Cedrick wahoze ari umutoza wa Mukura VS na Atletico y’i Burundi ndetse n’ikipe y’igihugu y’ u Burundi yabaye umutoza mu ishuri ry’umupira w’amaguru rya FC Barcelone riri mu mujyi wa Edmonton muri Canada.

Mu kiganiro n’ Imvaho Nshya ari i Toronto muri Canada, Kaze yasobanuye ko amaze ibyumweru bibiri ahawe amasezerano y’amezi atandatu azongererwa bitewe n’umusaruro, nk’umutoza w’abana batarengeje imyaka 16 bari muri iri shuri muri gahunda iyi kipe yise “FCBEScola”.

Ati "Bampaye amasezerano y’amezi atandatu mu batarengeje imyaka 16 ari nacyo cyiciro cya mbere cy’aba bana. Bampaye abakuze kubera ari njye wabaye uwa mbere mu kizamini twakoze".

JPEG - 187.9 kb
Kaze Cedrick (uwa 3 uhereye ibumoso mu bapfukamye) ari kumwe n’abandi batoza mu ishuri ry’umupira w’amaguru rya FC Barcelone mri Canada

Kaze, wanakoze andi mahugurwa y’ubutoza muri Canada kuri ubu afite impamyabushobozi ya Licences A ya CAF n’iyo ku rwego rwa A yahawe n’ishyirahamwe ry’umupira w’amaguru ry’Abadage.

Asobanura ko akazi afite gakomeye ko gutegura abana bazitabira irushanwa mpuzamahanga ry’amashuri y’umupira w’amaguru ya FC Barcelona yo muri Amerika y’Amajyaruguru rizabera muri Repubika ya Dominique kuva taliki 03 kugeza kuya 07 Nyakanga 2016.

Kaze anafite inshingano zo gutegura kandi irushanwa ryo mu kwezi kwa Nzeli 2016 rizabera Vancouver muri Canada rizahuriramo amashuri atatu yo muri Canada (Edmonton, Toronto na Vancouver) naryo rizavamo abana bazajya mu ishuri ry’umupira w’amaguru rya Barcelone rizwi nka La Masia.

Uyu mugabo avuga ko ubumenyi azakura muri iri shuri azabuzana mu guteza imbere imikino mu karere no muri Afurika muri rusange.

Ati "Ndifuza kuzagaruka mu Karere ka Afurika y’Uburasirazuba kugira ngo tuzamure impano zacu natwe tubashe kubona ababigize umwuga benshi nk’uko bimeze muri za Cameroun, Senegal na Nigeria".

Urubuga rw’ikipe ya FC Barcelone rusobanura ko ishuri Kaze abereye umutoza ryafunguwe taliki 27 Mata 2016 ku munsi umwe ni iry’ i Toronto, rikaba ririmo abana 200 bo mu byiciro by’abatarengeje imyaka 6, U-8, U-10, U-12, U-14 na U-16.

Amakuru Imvaho Nshya ikesha umwe mu nshuti za Kaze avuga ko yatoje Mukura VS kuva 2011 kugeza 2013 yavuye mu ikipe y’igihugu y’u Burundi nyuma y’ikibazo cyari hagati ye n’uwari umutoza mukuru Ait Abdelmalek Ahcene azira gushyigikira kapiteni w’ikipe y’igihugu Saido Ntibazonkiza.

Icyo gihe uwo mukinnyi yari yateranye amagambo n’uyu mutoza ubwo yari amubajije aho akina, undi akamusbiza ko bitumvikana uburyo umutoza atamenya aho kapiteni w’ikipe y’igihugu akina.

Ibi byaciye ibice abakinnyi b’ikipe y’igihugu, bisaba ko bahamagara Perezida w’ishyirahamwe ry’umupira w’amaguru mu Burundi wabasabye ko bihangana bagakina umukino w’Ibirwa bya Seychelles , ariko umudage watozaga iyi kipe arabyanga.

Byabaye ngombwa ko Kaze atoza uyu mukino wanarangiye batsinze Syechelles ibitego 2-0 byombi bya Ntibazonkiza, gusa biviramo Kaze kwirukanwa ku busabe bw’umutoza mukuru. Uyu mutoza nawe yamaze guhagarikwa mu ikipe y’u Burundi.

 

Comments

 
 
Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.