Advertisement
 
 
 
 
 
 
 
 

Siporo | Siporo Mu Rwanda

Kayiranga Baptiste yagizwe umutoza wa Pepiniere   

  Yanditswe na BIZIMANA Eric
 August 2016

 
 

Ikipe ya Pepiniere yamaze kuzamuka mu cyiciro cya mbere yemeje ko Kayiranga Baptiste ayitoza nk’umutoza mukuru mu gihe cy’imyaka 3 akaba ariko yemerewe kugenda igihe cyose abishaka.

Kayiranga ntiyigeze asabwa igikombe ahubwo ahabwa inshingano zo kuzafasha impano z’abana bakiri bato basanzwe bari muri iyi kipe nk’uko Munyankumburwa Jean Marie, Perezida w’iyi kipe abitangaza.

Ati“Twebe twamuhaye imyaka itatu mu masezerano afunguye, akaba yemerewe kugenda igihe cyose. Inshingano ze ni ukuzamura abana nk’uko ari bo dusanzwe twubakiyeho. Ni umutoza umenyereye ibyo kuzamura abana kandi natwe dukoresha abana”.

JPEG - 311.8 kb
Kayiranga Baptiste wagizwe umutoza wa Pepiniere izamutse mu cyiciro cya mbere uyu mwaka

Ku bijyanye n’batoza bazamuye iyi kipe mu cyiciro cya mbere, Munyankumburwa yatangaje ko bazungiriza Kayiranga niba babishaka cyane ko bajya kumuzana bari bababwiye ko hari byinshi bazamwigiraho.

Kayiranga yamenyekanye nk’umutoza ufite ubuhanga mu kuzamura abana, binagaragazwa nk’umwe mu bubatse ikipe ya Rayon Sports ubwo yaguraga abakinnyi 7 bari bavuye mu Isonga FC muri Nyakanga 2014. Yabaye kandi n’umutoza w’ikipe y’igihugu y’abatarengeje imyaka 20. Kayiranga yanatoje ikipe ya Kiyovu na Mukura.

Mbere yo kwerekeza muri Pepiniere byari byavuzwe ko ari mu biganiro n’ikipe ya Kirehe FC nayo izamutse mu cyiciro cya mbere uyu mwaka.

 

Comments

 
 
Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.