Advertisement
 
 
 
 
 
 
 
 

Siporo | Siporo Mu Rwanda

Karekezi yanenze umutoza w’Amavubi udafasha abakinnyi kujya i Burayi   

  Yanditswe na BIZIMANA ERIC
 June 2016

 
 

Karekezi Olivier wahoze ari kapiteni w’ikipe y’igihugu “Amavubi” yanenze ko umutoza w’Amavubi, McKinstry nta ruhare na ruto agira mu gufasha abakinnyi b’u Rwanda kubona amakipe ku mugabane w’u Burayi.

Ibi yabitangarije RBA ubwo yagarukaga ku mpamvu zituma u Rwanda rutarabasha gusubira mu gikombe cy’Afurika “CAN” rwakinnye inshuro imwe rukumbi kuva mu 2004.

Karekezi usigaye atoza abana muri Suwede yavuze ko ikibazo gikomereye umupira w’u Rwanda gishingiye ku kutagira abakinnyi babigize umwuga ku mugabane w’u Burayi.

JPEG - 202.2 kb
Karekezi Olivier wabaye kapiteni w’Amavubi, nyuma ya CAN 2004 ni bwo yerekeje hanze mu makipe nka Helsingborgs IF na Östers IF yo muri Suwede

Abihereye ku mukino Amavubi yatsinzwemo n’ikipe ya Senegal ibitego 2-0 ku wa Gatandatu taliki 28 Gicurasi 2016, Karekezi yagize ati "Dukinisha abakinnyi b’imbere mu gihugu, nta babigize umwuga bahari. Icyo kintu gituma dusubira inyuma cyane. Ibyo ari byo byose ntitwagaya aho tumaze kugera kuko niba aba bana bagerageza gukina na Senegal n’ubwo iba ibatsinze, ariko ni ubunararibonye baba babonye bakareba uko abandi bakina".

Karekezi wageze ku mugabane w’u Burayi avuye muri CAN 2004 asanga nta muntu ufasha abakinnyi b’abanyarwanda kujya i Burayi kuko na Jonathan Mckinstry, umutoza w’Amavubi wakabaye abikora adafite ubushobozi bwo kubashakira ikipe.

Yagize ati “Ikitwica ni uko umutoza w’ikipe y’igihugu baba bazanye ntacyo ashobora gufasha aba bana. Dufite abakinnyi b’abahanga, ariko nta muntu dufite wajyana aba bana hanze. Iyo uzanye umutoza mwiza uvuye mu Bufaransa ufite ubunararibonye, ashobora kujyana abakinnyi batatu, bane cyangwa batanu noneho ikindi gihe tukazaba dufite abakinnyi benshi bakina hanze".

Karekezi yanashimangiye ko nyuma y’imikino ya CHAN 2016 yabereye mu Rwanda muri Mutarama 2016 hakabaye hari abakinnyi bari kubona amakipe yo ku mugabane n’u Burayi.

Ati

"Tuvuge niba abakinnyi b’ikipe y’igihugu bakinnye CHAN 2016 ugasanga mu bakinnyi bose bakinnye nta mukinnyi n’umwe ugize amahirwe yo kujya i Burayi ni cyo kikwereka abatoza dufite, kuko nta bushobozi bafite, nta bunararibonye bafite bwo kujyana umuntu hanze.

Ibindi bihugu ni cyo biturusha, bo bazana umutoza ushobora kugira icyo amarira abana wamukinira neza, akabigufashamo. Umutoza dufite ni uwo gutoza yarangiza akigendera"

.

Karekezi w’imyaka 33 yakiniye APR FC kuva (1998-2004 na 2011-2012). Yakinnye hanze y’u Rwanda muri Suwede na Tunizia. Kuva muri 2000 kugeza 2013 yakiniraga ikipe y’igihugu “Amavubi”.

 

Comments

 
 
Intumwa ya FIFA yaje kureba aho kubaka Hotel ya FERWAFA bigeze
Intumwa ya FIFA yaje kureba aho kubaka Hotel ya FERWAFA bigeze

Intumwa y’Ishyirahamwe ry’umupira w’amaguru ku Isi “FIFA”, Daniel Krebs, ushinzwe ibijyanye n’ibikoresho na gahunda y’ibikorwa bibyara inyungu yagiriye uruzinduko mu Rwanda. Ishyirahamwe ry’umupira (...)

Amakipe atatu ashobora kuzira kutamenyekanisha imisoro
Amakipe atatu ashobora kuzira kutamenyekanisha imisoro

Ubuyobozi bw’ishyirahamwe ry’umupira w’amagurumu Rwanda “FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro (...)

Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.