Advertisement
 
 
 
 
 
 
 
 

Siporo | Siporo Mu Rwanda

Karekezi wari kapiteni w’Amavubi yarokowe no gukina mu ikipe y’abana   

  Yanditswe na BIZIMANA ERIC
 April 2016

 
 

Karekezi Olivier Fils wahoze ari kapiteni y’ikipe y’igihugu Amavubi, yemeza ko kuba yari umukinnyi w’ikipe y’abana y’i Gikondo muri Jenoside byatumye arokoka.

Mu kiganiro n’Imvaho Nshya Karekezi yasobanuye inzira y’umusaraba yahuye nayo muri Jenoside yakorewe Abatutsi muri Mata 1994, aho yatakarije umubyeyi rukumbi yari asigaranye, nyina Kayirangwa Adele na bakuru be babiri aribo Rwamugema Aimable na Gatera Eric. Avuga ko Se umubyara yapfuye mu 1987 azize impanuka y’imodoka.

Karekezi Olivier avuga ko yavukiye i Gikondo taliki 25 Gicurasi mu 1983 mu muryango w’abana 6 (abakobwa 3 n’abahungu 3)

JPEG - 30.5 kb
Karekezi Olivier, wabaye kapiteni w’ikipe y’u Rwanda yarokotse Jenoside yakorewe Abatutsi muri Mata 1994

Muri Mata 1994, Karekezi, mukuru we na nyina bahise bahungira kuri Paruwasi Gatolika ya Gikondo bari baturanye, naho mushiki wabo muto aguma mu rugo rwa Ntibahumatse Jean Baptiste, umunyamakuru w’inshuti y’umuryango wabo. Icyo gihe bashiki be bakuru babiri bo bari mu Bubiligi.

Karekezi avuga ko ubwicanyi bugitangira kuri Paruwasi ya Gikondo taliki 09 Mata 1994 bahise bica mukuru we na nyina.

Ati “Mama na mukuru wanjye bahise babica. Njye nabashije gusohoka muri Paruwasi. Hari umugabo Papa yafashije kera, ni we wamvuganiye mva kuri Paruwasi. Njyeze mu rugo nsanga umukozi wo mu rugo bamutemye ntiyapfa, ibintu byo mu rugo babitwaye n’inzugi basenye. Nabanye n’umukozi, ariko hari undi mukuru wanjye nari nabuze, nawe yaje kuza turabana, batubwira ko bazatwica italiki 05 Gicurasi 1994"

Karekezi avuga ko abicanyi batiriwe bategereza iyo taliki, ahubwo bahise baza kubajyana ku cyobo cy’i Gikondo aho biciye mukuru we wari usigaye, we arokorwa n’umuntu wari umuzi mu ikipe y’abana y’i Gikondo .

Ati " Uwo mugabo wandokoye ntiyari azi mukuru wanjye. Ikindi, mukuru wanjye yari avuye i Burundi , aje mu biruhuko. Bahita bamwica bavuga ko avuye ku ikosi , njye bansubizayo. Bamutemeye ku cyobo ndeba , mbona gusubira mu rugo. Uwo mugabo yabashije kumfasha, nsubira aho twabaga hafi yo mu rugo".

"Haje undi mwana wigaga mu myaka yo hejuru yanjye, yari afite imbunda, ahita anjyana mu Gatenga mbana n’umubyeyi we wacuruzaga imyenda, kandi yari azi Papa wanjye, ku buryo twahavuye tukagaruka i Nyamirambo kugeza Jenoside irangiye"

Nyuma ya Jenoside Karekezi yasubiye kwiga, anatangira inzira yo gukina nk’uwabigize umwuga mu makipe ya APR FC (1998-2004 na 2011-2012). Yakinnye hanze y’u Rwanda muri Suwede na Tunizia. Yakiniye kandi Amavubi (2000-2013).

 

Comments

 
 
APR FC izakira Gicumbi FC, Rayon Sports  ikine na Espoir FC
APR FC izakira Gicumbi FC, Rayon Sports ikine na Espoir FC

Ejo: APR FC-Gicumbi FC (Kicukiro-15h30) Rayon Sports-Espoir (Regional-15h30)’ Ikipe ya APR FC ejo izakira Gicumbi FC naho Rayon Sports yakire ikipe ya Espoir FC mu mikino y’umunsi wa 17 (...)

Ambasade y’u Buyapani mu Rwanda yahembye amakipe ya karate yitwaye neza
Ambasade y’u Buyapani mu Rwanda yahembye amakipe ya karate yitwaye neza

Ikipe ya Mamaru na Zen Karate-Do y’i Rubavu zitwaye neza mu irushanwa rya Karate ryateguwe n’ishyirahamwe ry’umukino wa Karate mu Rwanda “FERWAKA” ifatanyije na Ambasade y’u Buyapani mu Rwanda (...)

APR FC: Rugwiro amaze imyaka ibiri afite ibiro 92 kandi ntawamusiga
APR FC: Rugwiro amaze imyaka ibiri afite ibiro 92 kandi ntawamusiga

Myugariro wa APR FC, Rugwiro Herve aremeza ko agerageza gucunga ibiro bye ku buryo bitamubuza gukina uko abyifuza. Uyu musore ukomoka i Huye ni umwe mu bakinnyi bafite igihagararo, ndetse (...)

Kuva namenya APR FC buri gihe baravuga ngo barayibira - Jimmy Mulisa
Kuva namenya APR FC buri gihe baravuga ngo barayibira - Jimmy Mulisa

Jimmy Mulisa wahoze ari umukinnyi ukomeye wa APR FC kuri ubu akaba ayibereye umutoza mukuru yahakanye ko ikipe ye ijya ihabwa amahirwe n’abasifuzi. Ibi ni nyuma y’aho abantu bitandukanye (...)

Umutoza mushya w’Amavubi aramenyekana uyu munsi
Umutoza mushya w’Amavubi aramenyekana uyu munsi

Perezida w’ishyirahamwe ry’umupira w’amaguru mu Rwanda “FERWAFA”, Nzamwita Vincent De Gaule aratangaza ko bitarenze uyu munsi taliki 27 Gashyantare 2017, umutoza w’ikipe y’igihugu aba yamenyekanye. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.