Advertisement
 
 
 
 
 
 
 
 

Siporo | Siporo Mu Rwanda

Kanyankore, uvuga aziga, ntahakana ko ashobora gusimbura Kanfir muri APR FC   

  Yanditswe na BIZIMANA ERIC
 July 2016

 
 

Umutoza Kanyankore Gilbert yemeye ko hashize amezi atatu avuganye na Kalisa Adolphe “Camarade”, umunyamabanga mukuru wa APR FC kugira ngo aze kungiriza Khanfir warimo usoza amasezerano ye.

Ibi Kanyankore yabitangaje mu kiganiro cyihariye yagiranye n’Imvaho Nshya kibanze ku makuru avugwa ko yamaze kugirana ibiganiro by’ibanze na APR FC kugira ngo azayerekezemo aho azaba yungirijwe na Rwasamanzi Yves watozaga Kiyovu.

Kanyankore umaze amezi arindwi nta kazi kuva yasezera muri Vitalo FC taliki 01 Mutarama 2016, yatangiye yemeza ko hari amakipe menshi baganiriye ariko ntiyayerekezamo kuko yari agifite abatoza bari bagikomeje akazi.

Ati " Kuva ndaha naganiriye n’Abaperezida benshi bo mu makipe menshi. Ariko ntawashobora kuvuga ngo ngwino tukiri muri shampiyona".

JPEG - 129.8 kb
Kanyankore Gilbert Yaounde wemeza ko yigeze kuvugana na APR FC

Yakomeje avuga ko muri icyo gihe itangazamakuru ryo mu Rwanda ryakomeje kujya rivuga ko yasinyiye amakipe atandukanye kandi ritanamubajije.

Kayankore avuga ko bamaze kumuha amakipe 10, ati “ Ngaho ngo nasinye muri Mukura , Police FC, APR FC, kandi ndahari ko nta mipira njya nsiba sinzi impamvu batanyegera ngo bambaze. Nzatangaza ko nabonye ikipe umunsi namaze gushyira umukono ku masezerano".

Nyuma y’uko shampiyona irangiye Kanyankore yavuze ko mu gihe kitarenze ibyumweru bibiri azaba yamaze kubona ikipe mu zo bari bavuganye.

Ati ’’Ubu ngiye gutangira kureba uwo twavugana utanga uburyo bwiza bwo gukora kuko ndi umukozi urambye mu kazi ntabwo napfa kujya mu ikipe iyo ari yo yose. Ni ukureba ahantu hanshimishije nkareba aho najya. Nta masezerano ndasinya mu ikipe iyo ari yo yose".

Imvaho Nshya yashatse kumenya niba APR FC iri mu makipe bari kuvugana, maze Kanyankore yemera ko bari kugirana ibiganiro cyane ko byatangiye kera ubwo yasabwaga n’umunyamabanga mukuru wayo kuza kuba umutoza wungirije Nizar Khanfir mu mezi atatu ashize.

Ati “APR FC ishobora kuba irimo kuko nigeze kuganira na Camarade, hashize nk’amezi atatu ambaza ati wakorana n’umuzungu, ndamubwira nti ndaho nta kazi ngira nshobora gukorana nawe nta kibazo, naho byarangiriye nta bindi turageraho’’.

Kanyankore yamenyekanye mu makipe yo mu Rwanda nka Les Citadins, Kiyovu Sports na Rayon Sports.

 

Comments

 
 
Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.