Advertisement
 
 
 
 
 
 
 
 

Siporo | Siporo Mu Rwanda

Jimmy Mulisa yizeye gufasha abakinnyi ba APR FC kujya hanze   

  Yanditswe na BIZIMANA ERIC
 4 months ago

 
 

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR FC kubona amakipe yo hanze.

Ibi yabitangaje nyuma yo gukoresha imyitozo ya kabiri kuva yagirwa umutoza wa APR FC, iyi ikaba ari nayo ya nyuma yo kwitegura umukino wa Etincelles uza kuba kuri uyu wa Gatanu taliki 02 Ukuboza 2016.

Mulisa ugiye gutoza umukino we wa mbere nk’umutoza mukuru wa APR FC yavuze ko intego ye nyamukuru ari ukumvisha abakinnyi be ko bashoboye muri uru rugendo rwo gutwara igikombe. Ati "Hari ibintu byinshi ngiye kubafasha, umupira ni mu mutwe, iyo hari intego ushaka kugeraho bigusaba gukora.Nka ba rutahizamu, nk’ikipe yose nzagerageza ndebe uko nabafasha bazamure urwego rwabo byashoboka bakajya hanze."

Mulisa akomeza agira ati "Ikindi cyiza ni uko ngiye kubatoza nzi icyo bisaba kujya hanze, hari n’abantu tuvugana. Mbonye umeze neza nababwira kuko mbambwiye ko ari umukinnyi mwiza baranyumva. Bisaba ko nanjye mba naramuteguye."

JPEG - 526.3 kb
Jimmy Mulisa, ubwo yakoreshaga imyitozo ye ya mbere mu ikipe ya APR FC

Mulisa ariko yabaye nk’unenga abakinnyi bo mu Rwanda, umuco wo kwiyumvisha ko badashoboye. Ati "Abakinnyi bacu barashoboye ariko baritinya ugasanga umuntu afite ubuhanga runaka ntabigaragaze. Nzagerageza kubibakuramo."

Biravugwa ko Jimmy Mulisa yahawe amasezerano y’umwaka muri APR FC akazungirizwa na Rwasamanzi Yves warusanzwe atoza iyi kipe gusa we avuga ko yumvikanye n’ubuyobozi bwa APR FC ariko atarasinye amasezerano. Ati "Nzayasinya vuba aha n’ibirimo muzabimenya."

Mulisa agiye gukina na Etincelles FC adafite Sekamana Maxime na Itangishaka Blaise bavunitse. APR FC iri ku mwanya wa 8 n’amanota 8 aho irushwa na mukeba Rayon Sports ya mbere amanota 8, APR FC ariko ikagira imikino ibiri y’ibirarane.

Uyu munsi
APR FC-Etincelles FC (Nyamirambo-15h30)

 

Comments

 
 
Marines FC na Kiyovu zicunze nabi zaherekeza Pepiniere mu cyiciro cya kabiri
Marines FC na Kiyovu zicunze nabi zaherekeza Pepiniere mu cyiciro cya kabiri

Shampiyona y’umupira w’amaguru ya 2016-2017 isigaje imikino 8 ihwanye n’amanota 24 ku makipe yose. Rayon Sports ni yo ikomeje kuyobora urutonde ndetse irahabwa amahirwe menshi yo gutwara igikombe (...)

APR FC yongeye kubona amanota atatu
APR FC yongeye kubona amanota atatu

Ikipe ya APR FC yitwaye neza ku mukino w’umunsi wa 22 itsinda ikipe Etincelles FC ibitego 2-0 bya Bigirimana Issa na Nsabimana Aimable ikomeza gufata umwanya wa kabiri n’amanota 44 inyuma ya (...)

Abakinnyi 10 ba mbere batsinze ibitego byinshi mu bihugu bakomokamo
Abakinnyi 10 ba mbere batsinze ibitego byinshi mu bihugu bakomokamo

Cristiano Ronaldo ukinira Real Madrid n’ikipe y’igihugu ya Portugal yinjiye mu rutonde rw’abakinnyi bamaze gutsinda ibitego byinshi mu makipe y’ibihugu ku wa Kabiri w’icyumweru gishize taliki 28 (...)

Guhura na APR FC  iri mu bihe bibi ni ikibazo – Umutoza wa Etincelles FC
Guhura na APR FC iri mu bihe bibi ni ikibazo – Umutoza wa Etincelles FC

Umutoza w’ikipe ya Etincelles FC, Ruremesha Emmanuel aravuga ko gukina na APR FC iri mu bihe bibi ari ikibazo gikomeye. Ibi arabitangaza mbere yo kwakira APR FC mu mukino w’umunsi wa 22 wa (...)

Dusigaje byibura gutsinda imikino itandatu tugatwara igikombe-Masudi
Dusigaje byibura gutsinda imikino itandatu tugatwara igikombe-Masudi

Nyuma gutsinda Sunrise FC mu mukino w’ikirarane ibitego 3-1, Rayon Sports yakomeje kuyobora urutonde rwa shampiyona n’amanota 52 ishyiraho ikinyuranyo cy’amanota 11 hagati yayp na APR FC iri ku (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.