2017-08-17 13:46:28 clouds 27o High | Kigali Rwanda

Dukurikire:
 
 

Ivan Minnaert watoje Rayon Sports yirukanwe muri Leopards

Yanditswe na IMVAHO NSHYA

Kuya 2016-09-02 16:58:08

 
Share on:
 
Yasuwe:8
 
Yavuzweho:200
 
10
 
10

Uwahoze ari umutoza wa Rayon Sports yo mu Rwanda akaba yatozaga ikipe ya AFC Leopards yo muri Kenya, Ivan Minnaert yamaze kwirukanwa muri iyi kipe nyuma y’amezi 6 yari ayimazemo.

Daily Nation ivuga ko yirukanwe azira umusaruro mubi. Gusa Ivan Minnaert biravugwa ko ashobora kurega iyi kipe kuko yamwirukanye mu buryo bunyiranyije n’amategeko.

Uyu mutoza yirukanwe nyuma y’ameze 6 atoza iyi kipe mu gihe yari yarahawe amasezerano y’imyaka 2. Abaye umutoza wa kabiri muri uyu mwaka wirukanwe n’iyi kipe nyuma y’umuholandi Jan Koops ari we yari yasimbuye. Ikipe ikaba yahawe Ezekiel Akwana nk’umutoza mukuru w’agateganyo.

Ivan Minnaert yageze muri AFC Leopards muri Gashyantare 2016 avuye muri Rayon Sports ya hano mu Rwanda aho yari ayimazemo amezi 4 kuko yari yageze mu Rwanda mu Gushyingo 2015 aho yari avuye mu ikipe ya Djouliba FC yo muri Mali.

Uyu mutoza Ivan Minnaert yageze muri Rayon Sports asimbuye David Donadei yitwara neza ndetse n’ikipe ya Rayon Sports ayiha umurongo agiye asimburwa na Masudi Djuma wari umwungirije akaba yaranakiniye Rayon Sports.

Masudi yitwaye neza yegukana igikombe cy’Amahoro anafata umwanya wa kabiri muri shampiyona. Masudi ubu akaba yarahawe amasezerano y’imyaka 3 nk’umutoza mukuru.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE