2017-05-24 10:43:15 clouds 27o High | Kigali Rwanda

Dukurikire:
 
 

Irushanwa “Umurenge Kagame Cup” rizakinwa n’abatarengeje imyaka 15

Yanditswe na IMVAHO NSHYA

Kuya 2016-07-23 16:24:31

 
Share on:
 
Yasuwe:91
 
Yavuzweho:200
 
10
 
10

Irushanwa rihuza imirenge yose yo mu Rwanda “Umurenge Kagame Cup”rizatangira muri Mutarama 2017 aho rizajya rikinwa n’abana batarengeje imyaka 15.

Uyu ni umwe mu mwanzuro washimangiwe n’umwiherero w’iminsi ibiri w’abafite aho bahuriye n’iterambere ry’umupira w’amaguru barimo Minisiteri y’umuco na Siporo , Ishyirahamwe ry’umupira w’amaguru mu Rwanda “FERWAFA” n’impuzamashyirahamwe y’amashuri y’umupira w’amaguru “Ijabo na Dream Team Football.”

Abari muri uyu mwiherero bemeje ko mu guteza imbere amarushanwa y’abatarengeje imyaka 15, ko irushanwa risanzwe rihuza Imirenge yo mu gihugu ryizajya rihuza abanyeshuri bo mu cyiciro rusange mu bigo by’amashuri yisumbuye biri mu Mirenge.

JPEG - 391.6 kb
Abari mu mwiherero bemeje ko Umurenge Kagame Cup ukinwa n’abatarengeje imyaka 15

Nyuma y’umwiherero Nzamwita Vincent De Gaulle, umuyobozi wa FERWAFA yagize ati “Irushanwa Kagame Youth Cup rizatangira muri Mutarama 2017, rikinirwe ku rwego rw’umurenge, rikinwe n’abahungu n’abakobwa biga mu mashuri yo mu mirenge. Amakipe azitwara neza azajya akina ku rwego rw’Akarere akomeze agere ku rwego rw’Intara.”

Nzamwita yongeyeho ko amakipe azaba yitwaye neza ku rwego rw’Intara azajya akurwamo abakinnyi bazashyirwa mu ikipe y’igihugu “Amavubi-U15”, iyi nayo izajya itanga abakinnyi bo gushyirwa mu “Mavubi U-17"

Biteganyijwe ko hazashyirwaho ikigo kizajya kita ku ikipe y’igihugu U-15 kizaba giherereye mu Karere ka Huye. Ibi byose biri gukorwa muri gahunda yo kuzamura umupira w’amaguru ushingiye ku bakiri bato nk’uko biri muri Politiki ya Siporo y’u Rwanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE