Advertisement
 
 
 
 
 
 
 
 

Siporo | Siporo Mu Rwanda

Iranzi na bagenzi be berekeje muri Slovakia   

  Yanditswe na BIZIMANA ERIC
 4 months ago

 
 

Iranzi Jean Claude wakiniraga APR FC, Kalisa Rachid wa Police FC na Fitina Ombalenga wa Kiyovu Sports bahagurutse ku kibuga cy’ indege mpuzamahanga cya Kigali, ejo hashize taliki 22 Nyakanga 2016 i saa cyenda z’igicamunsi berekeje muri Slovakia.

Aba basore babanje kunyura Addis Abbeba muri Ethiopia na Dubai muri Aziya aho bagiye mu ikipe Mfk Topvar Topolcany yo mu cyiciro cya gatatu batari kumwe na mugenzi wabo Rwatubyaye Abdoul, wagize ikibazo cyo kutabona Visa nyuma yo gutoroka ubwo yitabiraga imikino ya Francophonie yabereye mu Bufaransa mu 2013.

Umuyobozi w’ikipe ya Mfk Topvar Topolcany, Abdelaziz Benaoudia yavuze ko Rwatubyaye azasanga bagenzi be mu gihe kitarenze ibyumweru bibiri cyane ko ibyo gutoroka yabikoze akiri umwana muto uri munsi y’imyaka 18, anemeza ko ari ikibazo bari gukurikirana babifashijwemo n’Ambassade ya Slovakia.

JPEG - 329.5 kb
Iranzi Jean Claude , umwe mu bakinnyi berekeje muri Slovakia

Benaoudia yijeje abanyarwanda ko aba bakinnyi bazahita babona amakipe yo mu byiciro byiza, ahereye kuri Iranzi ushobora kubona ikipe yerekezamo mu gihe kitarenze amezi atatu.

Mbere yo kurira indege, mu kiganiro kihariye Iranzi Jean Claude yagiranye n’ Imvaho Nshya yayibwiye ko bagiye muri Slovakia bafite intego zo kwerekana ko mu Rwanda hari umupira wo ku rwego rwo hejuru.

Ati “Turi abakinnyi ba mbere tujyanye turi bane ku mugabane wíburayi. Icyo tugiye guharanira ni ukugaragaza ko mu Rwanda hari umupira wo ku rwego rwo hejuru tunafungurire amarembo bagenzi bacu. Kubikora ni ukugaragaza ko twe turi abakinnyi bashoboye, tukigaragaza tukerekana ko tuvuye mu gihugu gifite umupira.”

Abdelaziz Benaoudia yemeje buri mukinnyi azagenerwa imodoka yo kugendamo, inzu yo guturamo n’umushahara uhera ku mafaranga miliyoni ebyiri y’u Rwanda n’amasezerano y’imyaka ibiri.

Biteganyijwe ko bazatangira gukina imikino ya shampiyona ya Slovakia taliki 06 Kanama 2016.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Tour du Rwanda 2016 yadusigiye amasomo menshi – Meya Harelimana
Tour du Rwanda 2016 yadusigiye amasomo menshi – Meya Harelimana

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye (...)

APR FC iragaruka mu Rwanda uyu munsi
APR FC iragaruka mu Rwanda uyu munsi

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda. Iyi kipe yerekeje muri Congo (...)

FIFA: U Rwanda rwazamutseho imyanya  6 ku rutonde
FIFA: U Rwanda rwazamutseho imyanya 6 ku rutonde

Ikipe y’u Rwanda iheruka gukina umukino taliki 03 Nzeri 2016 aho yanganyaga na Ghana igitego 1-1, ikomeje kuzamuka ku rutonde ngarukakwezi rukorwa n’ishyirahamwe ry’umupira w’amaguru ku isi “FIFA”. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.