Advertisement
 
 
 
 
 
 
 
 

Siporo | Siporo Mu Rwanda

Inteko rusange ya Kiyovu igiye kurandura umwuka mubi mu banyamuryango   

  Yanditswe na MURENGERANTWARI DOMINIQUE
 September 2016

 
 

Abanyamuryango ba Kiyovu Sports bazahurira mu nama y’inteko rusange yo gucoca burundu ibibazo bimaze iminsi bivugwa muri iyi kipe ku Cyumweru taliki ya 02 Ukwakira 2016 saa cyenda n’igice (15h30) kuri Galaxy Hotel mu Kiyovu.

Kimwe mu byo iyi nteko rusange izakora ni ugukuraho urujijo rwari hagati y’abanyamuryango ba Kiyovu Sports rwo kumenya ngo umunyamuryango wemewe n’amategeko ni uwuhe? utemewe ni uwuhe? nk’uko bisobanurwa na Gasamagera Claude, uyoboye komite yo gutegura amatora no gutegura iyi nteko rusange.

Mu kiganiro n’Imvaho Nshya, Gasamagera yagize ati “Ni urujijo rwaturutse ku byabaye mu 2012, ubwo Ikigo cy’igihugu cy’imiyoborere (RGB) cyashyiragaho amategeko mashya agenda imiryango, biba ngombwa ko Kiyovu Sports nayo ishaka ubuzima gatozi vuba vuba haboneka abanyamuryango 22 ari bo baje gusinya ku mategeko y’ikipe ya Kiyovu (Statut)”.

JPEG - 142.5 kb
Abakunzi ba Kiyovu bagiye gukora inama rusange igamije kwemeza abanyamuryango no gutora komite nshya

Gasamagera avuga ko muri iyi nteko rusange aba banyamuryango 22 bemewe mu mategeko bazakira abandi bikazaca urwikekwe rwari rumaze iminsi ngo “Aba ni bo banyamuryango, bariya si bo, aba ni bo ba nyir’ikipe n’ibindi ’’.

Gasamagera yasobanuye ko uzitwa umunyamuryango wa Kiyovu Sports ari umuntu uzaba wiyemeje gutanga umusanzu w’ibihumbi 10 ku kwezi ni ukuvuga ibihumbi 120 mu mwaka.

Abazabyemererwa ni abari basanzwe bazwi ko batanga umusanzu w’ibihumbi 120 hamwe n’abandi bashya bazandika ibaruwa igaragaza impamvu zituma bashaka kuba umunyamuryango kandi bitwaje inyemezabwishyu y’umusanzu w’amezi atatu w’ibihumbi 30.

Gasamagera avuga ko abadashoboye gutanga uriya musanzu bazajya bafatwa nk’abakunzi ba Kiyovu Sports bakazajya nabo batanga amafaranga bitewe n’uko bifite.

Hazatorwa ubuyobozi bushya bwa Kiyovu Sports

Nyuma yo kwemeza abanyamuryango bashya hazatorwa komite ihamye yose y’umuryango wa Kiyovu Sports isimbura iyari iriho yamaze kurangiza manda. Gasamagera avuga ko komite ayoboye izamurikira abanyamuryango bose uko ikipe yabo ihagaze, maze bazahite bayegurira ubuyobozi buzaba butowe.

Ubutumwa ku bakunzi ba Kiyovu

Gasamagera yagize ati “Abarakajwe no kumva ko atari abanyamuryango ibyo nibabirenge. N’abakunzi ba Kiyovu batere intambwe babe abanyamuryango bemewe n’amategeko. Twifuza ko bazaza ari benshi kuri iki cyumweru’’.

Iyi kipe ikunze kurangwa n’ikibazo cy’amikoro cyane cyane mu mpera za shampiyona aho kugeza n’ubu hari abakinnyi bayivuyemo bakishyura imishahara yabo y’umwaka wa shampiyona 2015-2016. Ubu iyi kipe ikaba yaranahinduye gahunda yo gukinisha abana bakiri bato ikavangamo abakinnyi bakuru.

 

Comments

 
 
Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Hagiye gukorwa ubushakashatsi bwo kumenya ‘abasportifs’ bazize Jenoside
Hagiye gukorwa ubushakashatsi bwo kumenya ‘abasportifs’ bazize Jenoside

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.