Advertisement
 
 
 
 
 
 
 
 

Siporo | Siporo Mu Rwanda

Inteko rusange ya FERWAFA yashyizeho ingamba zo gutegura CAN 2025   

  Yanditswe na BIZIMANA ERIC
 April 2016

 
 

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yateranye ejo hashize taliki 16 Mata 2016 yiyemeje gushyira imbaraga mu iterambere ry’abakiri bato nk’imwe zo gutegura CAN 2025 u Rwanda ruri mu nzira zo gusaba kwakira.

Ibi byemejwe n’abanyamuryango 37 bitabiriye iyi nama yabereye i Nyamata kuri Golden Tulip Hotel. Iyi nama y’inteko rusange yagombaga kugaruka kuri raporo y’inama y’ubushize, gusuzuma raporo y’umutungo, kwemeza umunyamuryango mushya no kwiga ku bindi byifuzo byatangwa n’abanyamuryango.

Afungura iyi nama, umunyamabanga Uhoraho muri Minisiteri y’Umuco na Siporo “MINISPOC”, Lt Col Patrice Rugambwa yeretse abanyamuryango ko Leta yifuza iterambere ry’umupira w’amaguru ushingiye ku bakiri bato, bakanabifatanya no kwiga. Rugambwa yabasabye gushyira imbaraga mu bigo byigisha umupira w’amaguru n’amarushanwa y’abakiri bato nk’imwe mu nzira yo kugira umupira urambye.

JPEG - 640.2 kb
Umunyamabanga Uhoraho muri MINISPOC, Lt Col Rugambwa yasabye abanyamuryango ba FERWAFA gushyira ingufu mu mupira w’abana

Yagize ati "Mu bufatanye na CAF , MINISPOC yifuza ko hajyaho gahunda ihamye yo gutegura imikino yo mu bakiri bato, ibyo bizatuma u Rwanda rwitwara neza muri CAN 2025. Turasaba amakipe yose gushyira imbaraga mu bakiri bato tukagira gahunda ihamye"

Umwe mu myanzuro wafashwe n’iyi nama uvuga ko hagiye gushyirwa imbaraga mu gufasha amashuri y’umupira w’amaguru yose yo mu Rwanda, hakanajyaho uburyo burinda amanyanga mu kwibana abana bava mu ishuri rimwe bajya mu rindi, aho buri mwana azajya ahabwa icyemeza ko ari mu ishuri runaka yajya ahandi agakorerwa ibindi byangombwa.

Inteko rusange yemeje ko inama y’ubutaha ari yo izemeza uburyo aba bana bazajya bahabwa ibyo byangombwa. Ni mu gihe mu mwaka ushize hari hatangijwe amarushanwa y’abatarengeje imyaka 15, nyuma aza guhagarara.

Iki cyemezo kinafashwe nyuma yo gushyiraho ikipe y’igihugu y’abatarengeje imyaka 20 yaremekanyijwe kugira ngo itabura mu irushanwa.

Iyi nteko rusange yanakiriye ikipe y’abagore ya AS Kigali nk’umunyamuryango mushya muri FERWAFA, nyuma yo kubona ubuzima gatozi.

Iyi nteko rusange ntiyigeze ireba ibyo bantu batekerezaga nko gusimbuza Mulindahabi Olivier, umunyamabanga mukuru wa FERWAFA umaze iminsi akurikiranwa n’inkiko azira gutanga isoko rya Hoteli ya FERWAFA mu buryo burimo icyenewabo n’itonesha. Gusa iri soko rikaba rigiye kongera gutangwa bundi bushya.

 

Comments

 
 
Imisoro yatumye Amagaju FC  ihagarika kugura imodoka
Imisoro yatumye Amagaju FC ihagarika kugura imodoka

Ubuyobozi bw’ikipe y’Amagaju buravuga ko umwenda bubereyemo ikigo cy’igihugu cy’imisoro n’Amahoro “RRA” yatumye buba buhagaritse umushinga wo kugura imodoka yo mu bwoko bwa “Coaster” yari kujya itwara (...)

APR FC yagaragaje ihuzagurika mu kwitegura imikino yo muri iki cyumweru
APR FC yagaragaje ihuzagurika mu kwitegura imikino yo muri iki cyumweru

Ejo: Mukura-APR FC (Huye-15h30) Ikipe ya APR FC ya kabiri ku rutonde n’amanota 35 irakirwa na Mukura ya 10 n’amanota 19 inasoza urugendo rwayo rw’imikino ikinira mu Ntara y’Amajyepfo. Ni urugendo (...)

Abatoza b’Abanyarwanda 2 bazajya bakura impamyabushobozi mu Budage buri mwaka
Abatoza b’Abanyarwanda 2 bazajya bakura impamyabushobozi mu Budage buri mwaka

Ubuyobozi bw’ishyirahamwe ry’umupira w’amaguru mu Rwanda “FERWAFA” n’iry’u Budage “DFB” basinyanye amasezerano y’ubufatanye yo guteza imbere umupira w’amaguru w’u Rwanda. Ni amasezerano yasinywe na (...)

Mulisa ahangayikishijwe n’ibura ry’ibitego muri APR FC
Mulisa ahangayikishijwe n’ibura ry’ibitego muri APR FC

Umutoza mukuru wa APR FC, Mulisa Jimmy ahangayikishijwe bikomeye n’ikibazo cy’ubusatirizi bwe bumaze gutsinda gusa igitego kimwe mu mikino ine baheruka gukina. Ni nyuma y’uko APR FC iheruka (...)

Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.