Advertisement
 
 
 
 
 
 
 
 

Siporo | Siporo Mu Rwanda

Inkomoko y’izina “Gasenyi” ryahawe ikipe ya Rayon Sports   

  Yanditswe na BIZIMANA ERIC
 5 months ago

 
 

“Gasenyi’’ ni izina ryamamaye mu bakunzi b’umupira w’amaguru mu Rwanda rigakoreshwa n’abantu baba bashaka guserereza abakunzi b’ikipe ya Rayon Sports.

Iri zina ryaje ubwo Rayon Sports yaterwaga inkunga n’uruganda rwatunganyaga Kawa rwa ‘’Rwandex’’ hagati yo mu 1986 na 1992.

Uwari umunyezamu w’ikipe ya Rayon Sports, Rwamanywa Eugene yabwiye Imvaho Nshya ati “Gasenyi ni ibishishwa biva ku ikawa iyo bayitonora. Muri iyo myaka, byagurishwaga mu baturage kugira ngo babitekeshe, bigakoreshwa nk’inkwi zo guteka. Kuri ubu ariko ntibigikunze kuboneka, kuko ikawa y’u Rwanda itunganywa neza ikoherezwa mu mahanga binyuze mu nganda zabigenewe”.

JPEG - 255.2 kb
Benshi mu bafana ba Rayon Sports ndetse n’abakunzi b’umupira w’amaguru muri rusange ntabwo bari bazi inkomoko y’izina Gasenyi

Rwamanywa asobanura ko iri zina ryazanywe n’abafana ba Kiyovu Sports bakundaga guhangana n’aba Rayon Sports bashakaga kubacyurira ko batunzwe n’ibishishwa by’ikawa (Gasenyi).

Ati “Abafana ba Kiyovu Sports baradupingaga ngo turi Gasenyi kuko twafashwaga na Rwandex. Byari byaramenyerewe ko ariko ikipe yitwa”.

Rwamanywa avuga ko nk’abakinnyi batishimiraga kwitwa Gasenyi, bituma biyemeza gutwara ibikombe byose byakinirwaga kuva mu 1987 kugeza mu 1990 iryo zina ritangira gucika buhoro buhoro riza kongera kugaruka nyuma ya Jenoside yakorewe Abatutsi mu 1994.

Ati “Nk’abantu twari tukiza muri Rayon Sports, byaratubabaje cyane, twiyemeza gutsinda cyane kugira ngo turisibe, riranasibika. Nyuma ya Jenoside iryo zina nagiye kumva numva riragarutse”.

Izina Rayon Sports riva ku magambo abiri y’igifaransa ‘’Rayon" ari byo bivuga "Umurasire" na "Sport" bisobanuye "Siporo".

Aganira n’Imvaho Nshya mu Kuboza 2015, Munyantwari Alphonse, umusaza w’imyaka 74 y’amavuko utuye i Busasamana mu karere ka Nyanza yasobanuye ko Rayon Sports yashinzwe na Padiri Channoine Arnot wari umuyobozi wa College Christ Roi Nyanza mu 1964, ije kuba imirasire nyuma y’ihagarikwa ry’icyitwa imikino cyose bivuye ku ntambara yo mu 1959 yari mu Rwanda.

Amateka yerekana ko Rayon Sports yaje kuva i Nyanza ijya i Kigali mu 1986 gushaka kwaguka yongera ibigwi n’amikoro. Rayon Sports iri i Nyanza, yatwaye ibikombe bitatu bya shampiona (1975, 1981 na 2013) ndetse n’ibikombe bitatu by’igihugu (1976, 1979 na 1982).

Muri Kigali yahatwariye ibikombe bine bya shampiyona (1997, 1998, 2002, 2004) n’ibindi bikombe byagiye bitegurwa, ndetse ihatwarira ishema rikomeye ubwo yegukanaga igikombe cya CECAFA ihuza amakipe mu 1998, igikuye muri Zanzibar.

 

Comments

 
 
Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.