Advertisement
 
 
 
 
 
 
 
 

Siporo | Siporo Mu Rwanda

Impamvu Abanyakenya banikira Abanyarwanda mu marushanwa yo kwiruka   

  Yanditswe na MURENGERANTWALI Dominique
 3 months ago

 
 

Imikino Olempike ya 2016 y’i Rio yasojwe n’indirimbo yubahiriza igihugu cya Kenya. Byari icyubahiro ku munyakenya Eliud Kipchoge wegukanye umudari wa Zahabu muri Marato akoresheje amasaha 2, iminota 09 n’amasegonda 54. Uwiragiye Ambroise wari uhagarariye u Rwanda yabaye uwa 99.

Kenya yamaze kubaka izina ku isi, ku buryo iyo bavuze ngo gusiganwa mu ntera ndende umuntu ahita yishyiramo ko bihwanye no gutwara umudali ku banya Kenya cyagwa se umunya Ethiopia.

Kenya ntirusha u Rwanda gusa mu ntera ndende kuko no mu ntera ngufi tutabakurikira. Ariko se baturusha iki? kuki se twe tutabigaranzura?, ni iki cyakorwa ngo Abanyarwanda nabo bajye bazana imidali mu mikino Olempike?

Ubushakashatsi bwagaragaje ibanga ry’abanya Kenya

Ibanga ry’abanya Kenya no kwiharira imidali yo ku isi mu ntera ndende , riri mu gitabo « Running With The Kenyans» cyanditswe n’Umwongereza Adharanand Finn muri 2012.

JPEG - 82.9 kb
Eliud Kipchoge (uri imbere) wegukanye umudali wa zahabu muri Marato mu mikino Olempike 2016

Ni igitabo yanditse amaze gufata urugendo we n’umuryango we bekerekeza mu mujyi wa Devon ukomokamo benshi mu bihanganye byatwaye imidali yo ku isi. Aha ni mu ntara ya Rift Valley yo muri Kenya.

Kugira ngo amenya ibanga ryabo, Finn yitoreje hamwe n’ababigize umwuga n’abana bakiri bato bo muri aka gace, akajya afungura ifunguro ryabo (Kawunga cyane cyane) yitorezamo hamwe nabo n’abana be biga mu mashuri y’abanya Kenya.

Bimwe mu byavuye mu bushakashatsi bw’uyu mugabo harimo ko ‘’Abanya Kenya bafite Tekinike yihariye yo kutirirwa bareba ku isaha yo ku kaboko kugira ngo bapime intambwe bagenda.Ngo bariruka byaba ngombwa bakagabanya (Ibintu barabyoroshya) kugeza basoje. Icyabo ni ukwita ku by’akazi uriho ukirinda gutekereze ku myanya n’ibihe uri bukoreshe’’.

Iki gitabo kinavuga ko Kenya ifite ubutumburuke bwiza biniyongeraho kuba ifite amashuri y’imyitozo yujuje byose ku rwego rw’isi.

Mu myaka ishize, abanyarwanda basigaga abanya Kenya

Hari igihe cyageze u Rwanda rugira abakinnyi basigaga abanya Kenya. Muri abo twavugamo Disi Dieudonné wakunze kwegukana Marato zikomeye atsinze abo banya Kenya.

Dufate nk’urugero rwa Marato yo kuya 08 Ukuboza 2007 yabereye i Lagos aho Disi yihesheje ikuzo imbere y’abanya kenya akaba uwa mbere mu bantu ibihumbi 40 nk’uko urubuga rwa interineti rw’ishyirahamwe ry’imikino ngororamubiri ku isi “IAAF”.

Urundi rugero rwa Marato nayo yabereye New Delhi mu buhinde, kuya 28 Ukwakira 2007, aho nabwo Disi Dieudonne yasize bikomeye aba banya Kenya. Iyo habaho gutegura abazasimbura Disi nawe agafasha abana bato kumenyera n’uyu munsi hari kuba hari uguhangana n’aba banya Kenya nk’uko byemezwa na Rukundo Johnson, umunyamabanga mukuru w’ishyirahamwe ry’imikino ngororamubiri mu Rwanda “RAF”.

Abari mu mikino ngororamubiri mu Rwanda babibona gute?

Abenshi mu baganiriye n’Imvaho Nshya bemeje ko Kenya irusha u Rwanda kubigira umuco no gutegura gusa.

Muhitira Felicien bakunze kwita Magare, ubu uri gukina nk’uwabigize umwuga mu Butaliyani we ntiyemera ko abanya Kenya barusha u Rwanda.

Ati ’’Njye maze kuganira nabo inshuro nyinshi. Bambwiye ko babigira umwuga, akumva ko umwuga we ari ukwiruka, akava iwabo akajya gutura mu mashyamba akabikora umwaka wose. Naho twe turavanga, mu gitondo nkajya kwiga, navayo nkajya kwiga imodoka’’.

Disi Dieudonne wahoze ahatana nabo avuga ko usibye n’iyo imisozi , abanyarwanda banarusha ahubwo abanya Kenya umuco wo kuba intwari n’indwanyi. Yewe ngo na Leta ya Kenya ntishora amafaranga menshi nk’ayo ya Leta y’u Rwanda ishora mu mikino ngororamubiri.

Disi nawe yanzura avuga ko ikibazo kiri mu kubigira umwuga. Ati ’’Kenya iturusha kuba barabigize umuco. Iyo umunya Kenya agiye kwiruka yumva ko kwiruka byaremewe abanya Kenya, akaba aziko babivukanye mu maraso. Ibyo birahagije kugira ngo ahite agusiga’’.

Disi yongeraho ko ’’Kuba bamaze igihe kinini mu mukino kandi bawusobanukiwe, abanya Kenya barusha abanyarwanda zimwe muri tekinike zo kugera ku musaruro’’.

Umunyamabanga mukuru wa RAF, Rukundo Johnson yemeza ko Kenya irusha u Rwanda gutegura bahereye hasi cyane cyane mu mashuri, aho amarushanwa yo mu bigo by’amashuri aba akomeye kuruta na shampiyona y’u Rwanda.

Rukundo akanasobanura ko Kenya irusha u Rwanda gutegura abakinnyi bazajya guhatana. Ahereye ku mikino Olempike, Rukundo yagize ati ’’Ntabwo twe dutegura. Nkatwe dutegura umukinnyi akabona ibikoresho habura ukwezi. Cyangwa ibyumweu bibiri, ari zo za Locale. Biriya byakabaye bikorerwa umuntu umaze imyaka itatu yitoza, biriya byumweru akabikoresha aruhuka’’.

Rukundo akavuga ko abakinnyi bazahagararira u Rwanda mu mikino Olempike y’i Tokyo muri 2020 bakabaye batangira gutegurwa ubu.

Umuti w’ikibazo uri mu ntoki za MINEDUC na MINISPOC

Abari mu mukino wo gusiganwa bose bahuriza ko umuti waba gutegura no gushyira imbaraga muri Siporo yo mu mashuri, abavuyemo bagategurwa neza na nyuma yo Kwiga.

Rukundo Johnson avuga ko impano zihari, igisigaye ari ugushyiraho mu bikorwa politike ya Siporo y’u Rwanda yo gutegura Siporo ishingiye ku bakiri bato nk’uko biri mu nshingano za Minisiteri y’umuco na Siporo (MINISPOC), iy’Uburezi (MINEDUC”.

Ati ’’Igisubizo ntikizava mu ishyirahamwe ry’imikino ngororamubiri, ahubwo ni ibintu bireba inzego zishyiraho politike y’imikino. MINEDUC ikumva ko ikwiye kugira uruhare mu kuzamura izo mpano, MINISPOC ikareba uko abana bagaragaje impano bajya bitwabwaho bagashakirwa amarushanwa’’.

Rukundo avuga ko niba u Rwanda rushaka umudali, rugomba gusubiza iyi siporo mu mashuri rukanagira umuco wo gutegura bikwiye abakinnyi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Tour du Rwanda 2016 yadusigiye amasomo menshi – Meya Harelimana
Tour du Rwanda 2016 yadusigiye amasomo menshi – Meya Harelimana

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye (...)

APR FC iragaruka mu Rwanda uyu munsi
APR FC iragaruka mu Rwanda uyu munsi

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda. Iyi kipe yerekeje muri Congo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.