Advertisement
 
 
 
 
 
 
 
 

Siporo | Siporo Mu Rwanda

Imishinga y’umunyamabanga mukuru wa Mukura VS w’imyaka 24   

  Yanditswe na BIZIMANA ERIC
 1 month ago

 
 

Byabaye nk’igitangaza kumva ko Niyobuhungiro Fidele umusore w’ingaragaragu w’imyaka 24, agizwe umunyamabanga mukuru w’ikipe nka Mukura VS y’i Huye nyuma y’inteko rusange y’iyi kipe yo ku italiki 09 Ukwakira 2016.

Impamvu nyamukuru yatumye abantu basa n’abatunguwe ni uko Niyobuhungiro, umushomeri ukiva ku ishuri; yiyemeje gusimbura Sheikh Habimana Hamdan, umwe mu bagabo bihagazeho mu mujyi wa Huye; waranzwe no kuba hafi abakinnyi ba Mukura mu mubano udasanzwe cyane ko yabakemuriraga ibibazo rimwe na rimwe yikoze ku mufuka, ubundi akanabakira muri hoteli batsinze.

Ikindi gisa n’igitangaje ni ukubona umusore utaragira ubunararibonye mu mupira cyangwa ngo agire amafaranga, yiyemeza kujya mu bibazo bya Mukura VS yari imaze gusa n’icikamo ibice biturutse ku kutumvikana mu buyobozi.

JPEG - 169.8 kb
Niyobuhungiro Fidele umunyamabanga mukuru w’ikipe ya Mukura VS

Aganira n’Imvaho Nshya, Niyobuhungiro yagize ati ’’Niyamamamaje kubera urukundo mfitiye Mukura VS, ubushobozi n’ishyaka niyumvagamo. Zari inzozi kuri njye, ngeze mu nteko rusange ndiyamamaza, barantora.’’

Niyobuhungiro ugomba gukorana n’abagabo bamubyaye nka Visi Prezida Nayandi w’imyaka 56, ahakana ko hari abantu bazajya bamukoreramo bitwaje ko bamurusha imyaka, gusa akemeza ko azagerageza kujya inama nabo.
Ati ’’Imyaka si ikibazo. Kuko nk’uko twese tubizi hari abantu benshi muri iki gihugu bakoze ibikorwa bikomeye bari muri iki kigero. Nanjye rero imyaka si cyo kibazo’’

Mfite ikuruta amafaranga

Nyuma yo gutorwa, Niyobuhungiro yabwiye abanyamakuru ko yiyemeje kuza muri iyi kipe kuyitangira atitaye ku by’uko nta mafaranga menshi afite

Umushinga w’ingenzi azageza kuri Mukura

Mu bitekerezo bye, Niyobuhungiro avuga ko yifuza kuzakora ibishoboka kugira ngo hafungurwe iduka ricuruza imyenda ya Mukura VS ku buryo abafana b’iyi kipe bazajya bayibona biboroheye.

Ati ’’Ntekereza ko nko kuri Stade Huye, hari iduka rya Mukura VS, kuko abenshi mu bafana murahura bati imyenda nayikurahe? Turifuza rero kujya dukora iyo myenda isa n’iy’abakinnyi.’’

Anavuga ko yiyemeje kwita ku bikorwa byo kwamamaza iyi kipe, byinyuze mu kumenyekanisha amakuru yayo, ibyo bikazongera uburyo abantu bayikunda.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Tour du Rwanda 2016 yadusigiye amasomo menshi – Meya Harelimana
Tour du Rwanda 2016 yadusigiye amasomo menshi – Meya Harelimana

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye (...)

APR FC iragaruka mu Rwanda uyu munsi
APR FC iragaruka mu Rwanda uyu munsi

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda. Iyi kipe yerekeje muri Congo (...)

FIFA: U Rwanda rwazamutseho imyanya  6 ku rutonde
FIFA: U Rwanda rwazamutseho imyanya 6 ku rutonde

Ikipe y’u Rwanda iheruka gukina umukino taliki 03 Nzeri 2016 aho yanganyaga na Ghana igitego 1-1, ikomeje kuzamuka ku rutonde ngarukakwezi rukorwa n’ishyirahamwe ry’umupira w’amaguru ku isi “FIFA”. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.