Advertisement
 
 
 
 
 
 
 
 

Siporo | Siporo Mu Rwanda

Imikino ngororamubiri: Abakinnyi b’u Rwanda bitwaye neza muri Tanzania   

  Yanditswe na BUGINGO FIDELE
 May 2016

 
 

Abakinnyi b’ u Rwanda batahanye imidali ibiri mu irushanwa ry’abatarengeje imyaka 20 mu mikino ngoramubiri “East Africa Junior Athletics Championship 2016” ryabereye i Dar es Salaam kuva taliki ya 29 kugeza 30 Mata 2016.

Abari baserukiye u Rwanda ni abahungu batatu , Myasiro Jean Marie Vianney (10,000 m), Sugira James (1500 m) na Nkejumuto Ildephonse (800m). Mu bakobwa hari Nyirarukundo Salome (5000m), Nishimwe Beatha (1500m), Uwambajimana Jeannette (5000m) na Iribagiza Honorine (800m).

Iryo rushanwa ryari iryo ugushakisha itike ya shampiyona y’Isi mu batarengeje imyaka 20 “IAAF World Junior Athletics Championships 2016” izabera muri Pologne kuva taliki 19-24 Nyakanga 2016.

JPEG - 59.5 kb
Iribagiza Honorine (ibumoso) wegukanye umudali wa Feza akabona n’itike ya kuzitabira shampiyona y’isi mu batarengeje imyaka 20

Muri aba bakinnyi 7 bari bitabiriye, batatu bari bafite itike ni Myasiro Jean Marie Vianney usiganwa metero ibihumbi 10, Nishimwe Beatha usiganwa metero 1500 na Nyirarukundo Salome usiganwa metero ibihumbi 5.

Nyuma yo kwitwara neza muri iyi mikino, abakinnyi babiri nabo babonye itike barimo Sugira James w’imyaka 19 usiganwa metero 1500 akaba yarabaye uwa 4 akoresheje umunota 1, amasegonda 44 n’ibice muri 44, ibiha bisabwa akaba ari umunota 1 n’amasegonda 49.

Undi wabonye itike ni Iribagiza Honorine w’imyaka 17 usiganwa metero 800 wabaye uwa 2 akeguna umudali wa Feza akoresheje umunota 1 n’amasegonda 7 mu gihe ibihe bisabwa ari umunota umwe n’amasegonda 9.

Undi witwaye neza muri iri rushanwa ni Nishimwe Beatha usiganwa metero 1500 usanzwe ufite itike akaba yaregukanye umudali wa Bronze uhabwa uwabaye uwa 3 akoresheje iminota 4 n’amasegonda 18.

Perezida w’Ishyirahamwe ry’imikino ngororamubiri mu Rwanda “FRA”, Munyandamutsa Jean Paul yishimiye umusaruro aba bana batanze avuga ko ubu uyu mwaka hari abakinnyi bagera ku 10 babonye ibihe “Minima” bibemerera kwitabira imikino mpuzamahanga.

Avuga ko ibyo bintu bitigeze bibaho mu Rwanda kuko akenshi abakinnyi bitabiraga imikino mpuzamahanga ku butumire. Akomeza avuga ko bagomba gukomeza gutegura abakinnyi kandi bafite icyizere ko bazabigeraho

 

Comments

 
 
Amakipe atatu ashobora kuzira kutamenyekanisha imisoro
Amakipe atatu ashobora kuzira kutamenyekanisha imisoro

Ubuyobozi bw’ishyirahamwe ry’umupira w’amagurumu Rwanda “FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro (...)

Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.