Advertisement
 
 
 
 
 
 
 
 

Siporo | Siporo Mu Rwanda

Ikipe y’u Rwanda yageze muri Mauritius   

  Yanditswe na BUGINGO FIDELE
 March 2016

 
 

Ikipe y’u Rwanda “Amavubi” igizwe n’abakinnyi 18 yageze muri Mauritius aho igomba gukina n’ikipe y’igihugu ya Mauritius mu mikino yo gushaka itike ya CAN 2017.

Iyi kipe yageze muri Mauritius mu rucyerera rwo kuri uyu wa Gatanu taliki 25 Werurwe 2016. Biteganyijwe ko izakina umukino ejo ku wa Gatandatu taliki 26 Werurwe 2016 kuri Sitade Anjalay i Belle-Vue.

Nyuma y’umukino ikipe izahita igaruka mu Rwanda yitegure umukino wo kwishyura uzaba taliki 29 Werurwe 2016.

JPEG - 381.6 kb
Abakinnyi b’Amavubi ubwo bari basoje imyitozo ya nyuma mbere yo kwerekeza muri Mauritius (Foto James R)

Mu bakinnyi 18 umutoza yajyanye muri Mauritius habayemo gutungurana cyane kuko hagaragayemo myugariro wa AS Kigali, Kayuma Soter ndetse na Hakizimana Muhadjiri wagiye bwa mbere mu bakinnyi 18.

Uyu mutoza akaba yari yatangaje ko mu bakinnyi 26 yari yabuze uko atoranyamo 18 kuko bose bari ku rwego rwo hejuru. Mu bakinnyi basigaye harimo Rusheshangoga Michel, Bizimana Djihad na Kwizera Olivier bakinira APR FC ubundi bari basanzwe bagaragara cyane mu ikipe y’igihugu.

Abandi basigaye ni Mazimpaka, umunyezamu wa Mukura, Habyarimana Innocent, Nshyimiyimana Imran, Usengimana Danny ba Police FC na Bayisege Emery ukinira APR FC we akaba yasigaye kuko anafite amakarita 2 y’umuhondo n’ubundi akaba atari yemerewe gukina uyu mukino.

Kugira ngo ikipe y’u Rwanda yizere kuzabona itike ya CAN 2017 ni uko igomba gutsinda iyi mikino 2 ya Mauritius ikagira amanota 9 ikaba isigaje imikino 2 harimo uwa Ghana na Mozambique.

Iramutse itsinze Mozambique yagira amanota 12 yaba ari amahirwe yo kuba yaza mu makipe yitwaye neza mu gihe Ghana yaba yazamutse ikomeje kuyobora itsinda kuko ubu ifite amanota 9 nyuma yo gutsinda Mozambique mu mukino waraye ubaye ibitego 3-1.

Mauritius yatsinzwe na Ghana ibitego 7-1 nyuma itsinda Mozambique igitego 1-0. Amavubi yatsinze Mozambique igitego 1-0, atsindwa na Ghana igitego 1-0.

 

Comments

 
 
Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.