Advertisement
 
 
 
 
 
 
 
 

Siporo | Siporo Mu Rwanda

Ikipe y’u Rwanda ya ruhago y’abagore yongeye kubaho bitunguranye   

  Yanditswe na BUGINGO FIDELE
 June 2016

 
 

Nyuma y’aho Ishyirahamwe ry’umupira w’Amaguru mu Rwanda “FERWAFA” rihagarikiye ikipe y’igihugu y’abagore muri 2014 nyuma yo gusezererwa na Nigeria ku bitego 12-1 mu gushaka itike y’imikino y’Afurika, iyi kipe yongeye kubaho bitunguranye mu gihe FERWAFA yari yihaye imyaka 2 yo kuyitegura.

Impamvu y’itungurana ry’iyi kipe ni Inama rusange y’umuryango w’ubumwe bw’ibihugu by’Afurika izabera muri Rwanda kuva taliki 10-18 Nyakanga 2016.

Iyi nama izaba yiga ku burenzira bwa muntu by’umwihariko uburenzira bw’abagore. Iyi kipe yongeye kubaho ngo izakine umukino wa gicuti na Tanzania taliki 16 Nyakanga 2016 uzabera kuri Sitade Amahoro i Remera aho bitaganyijwe ko abazitabira iyi nama bazawukurikira.

Abakinnyi 25 baratoranyijwe

JPEG - 253.4 kb
Ikipe y’igihugu y’abagore yaherukaga kubaho muri 2014

Umutoza w’ikipe y’igihugu, Nyinawumuntu ari ku mwe n’umuyobozi wa Tekinike mushya Hendrik Pieter de Jongh n’umuyobozi wa Tenike wungirije, Mulisa Jimmy batoranyije abakinnyi 25 bazatangira umwiherero taliki 09 Nyakanga 2016.

Abahamagawe ni Ingabire Jidish (AS Kigali), Nyinawumuntu Chamimu (Kamonyi) na Uwizeyimana Helene (AS Kigali) akaba ari abanyezamu.

Ba myugariro hari Mukamana Clementine, Kayitesi Alodia, Nibagwire Sifa, Nyiransanzabera Miliam (AS Kigali), Mukantaganira Joseline, Abimana Djamila, Umutoniwase Genevieve (Kamonyi FC) na Maniraguha Louise (Les Lionnes). Abo hagati ni Umwariwase Dudja, Uwamahirwe Chadia, Kalimba Alice, Nyirahafashimana Marie Jeanne, Uwamahoro Marie Claire Abandi ni Mwizerwa Francine (AS Kigali), Ntagisanimana Saida (AS Kigali), Mukeshimana Jeanette, Mukashema Albertine na Mukeshimana Dorothe (Kamonyi FC).

Naho ba rutahizamu ni Uwihirwe Matanha Kevine (Rambura), Ibangarye Anne Marie (AS Kigali), Nibagwire Libery (AS Kigali) na Iradukunda Calixte (Kamonyi FC).

 

Comments

 
 
Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Amagare: Ikipe y’u Rwanda yasoje ari iya gatatu muri Tour du  Cameroun
Amagare: Ikipe y’u Rwanda yasoje ari iya gatatu muri Tour du Cameroun

Ikipe y’u Rwanda yari yitabiriye isiganwa rya “Tour du Cameroun 2017” kuva taliki 11-19 Werurwe 2017 ntabwo yitwaye neza nk’uko byari byitezwe nyuma y’aho umukinnyi waje hafi yaje ku mwanya wa 10 (...)

Umutoza wa APR FC aracyafite icyizere cyo kwegukana igikombe
Umutoza wa APR FC aracyafite icyizere cyo kwegukana igikombe

Nyuma y’umunsi wa 21 wa shampiyona y’icyiciro cya mbere, ikipe ya APR FC iri ku mwanya wa 2 n’amanota 41 irushwa amanota 2 na Rayon Sports iri ku mwanya wa mbere n’amanota 43 gusa iyi kipe ikaba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.