Advertisement
 
 
 
 
 
 
 
 

Siporo | Siporo Mu Rwanda

Ikipe y’igihugu ya Taekwondo yerekeje mu Misiri   

  Yanditswe na BIZIMANA Eric na BUGINGO Fidele
 May 2016

 
 

Ikipe y’igihugu y’umukino wa Taekwondo yaraye yerekeje i Port Said mu Misiri aho yagiye kwitabira shampiyona y’Afurika “Taekwondo African Senior Championship 2016” igiye kuba ku nshuro ya 14 kuva taliki 19-21 Gicurasi 2016.

Abakinnyi 11 bagiye guhagararira u Rwanda bari mu byiciro bibiri, icyiciro cya mbere kirimo abakinnyi 9 bakora imirwano “Kyrogi” naho n’icya kabiri kikaba icy’abakinnyi 3 bakora imyiyereko binyuze mu mico n’imigenzi ya Taekwondo “Poomse”.

Ikipe y’igihugu ya Kyrogi izatozwa na Bagire Allain wungirjwe na Mbonigaba Boniface. Irimo abagabo batandatu aribo Iyumva Regis (-58 kg), Nizeyimana Savio (-74 kg), Mwemezi Cedrick (-80kg) , Nduwayezu Martin (-64 kg), Munyakazi Vincent (-63kg), Twagirimana Emmanuel (-68 kg).

JPEG - 316.5 kb
Umuyobozi wa Siporo muri MINISPOC,Bugingo ari kumwe n’ikipe y’igihugu ya Taekwondo mbere yo kwerekeza mu Misiri (Foto Bugingo F)

Hari n’abakobwa batatu ari bo Mushambokazi Zura (-49kg), Uwababyeyi Delphine (-46kg) na Ndacyayisenga Aline (-63kg). Ikipe y’igihugu ya Poomse izatozwa Jeong Ji Man , igizwe na Mbonigaba Boniface, Birushya Emmanuel na Mushambokazi Zura.

Mbere yo guhaguruka berekeza mu Misiri, Umuyobozi wa Siporo muri MINISPOC, Bugingo Emmanuel yasabye aba bakinnyi bo bagomba kugenda bazi ikibajyanye. Akaba yababwiye ko bagomba kwitwara neza bakegukana intsinzi.

Umwe mu batoza, Mbonigaba yatangarije Imvaho Nshya ko biteguye neza. Ati “Twiteguye neza, intego ni ugutsinda. Ubu nibwo tujyanye abakinnyi benshi kandi burya iyo mufite umubare munini w’abakinnyi bituma umusaruro uboneka”. Yakomeje avuga ko bateguye ibyiciro biri bakaba bizeye ko bazabona imidali.

Kapiteni w’ikipe y’igihugu, Iyumva Regis yatangarije Imvaho Nshya ko bagiye bashaka intsinzi .

Ati “Twariteguye intego ni umudali kandi uko mbibona muri rusanga ndumva nta kizatubuza kuwuzana”. Yakomeje avuga ko kuba abakinnyi bari mu byiciro bibiri bizabaha amahirwe yo kwegukana intsinzi. Ati “ Abakinnyi bose bafite ubunararibonye kandi barashoboye, twizeye ko tuzagukana intsinzi”.

Iyi kipe yajyanye n’umunyamabanga mukuru w’Ishyirahamwe ry’umukino wa Taekwondo mu Rwanda “RTF”, Bagabo Placide nawe wigeze kuba umukinnyi ndetse na Kapiteni w’ikipe y’igihugu.

Muri Werurwe ikipe y’igihugu yitabiriye imikino ya “Chairman’s Cup” i Mombasa muri Kenya mu bakinnyi 11 bari bagiyeyo bahagarariye u Rwanda 10 batahanye imidali harimo 4 ya zahabu.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.