Advertisement
 
 
 
 
 
 
 
 

Siporo | Siporo Mu Rwanda

Ikibazo cy’izina gishobora guhagarika ivangwa rya AS Muhanga na Pepiniere   

  Yanditswe na BIZIMANA Eric
 3 months ago

 
 

Ubuyobozi bwa AS Muhanga yamaze kumanuka mu cyiciro cya kabiri bwananiwe kumvikana n’ubwa Pepiniere yazamutse mu cyiciro cya mbere ku kuvanga amakipe yombi akavamo ikipe imwe yari kuzakina mu cyiciro cya mbere muri shampiyona 2016-2017.

Uku kutumvikana kuraturuka ku izina rigomba guhabwa ikipe ikomatanyije cyane ko AS Muhanga itsimbarara ku izina ’’Muhanga FC’’ mu kugaragaza ko ikipe izaba ari iya karere ntikozwe ibyo kuyita ’’Muhanga Pepiniere FC’’.

Ndayisaba Damascene, umuyobozi wa AS Muhanga yabwiye Imvaho Nshya ko basa n’abarangije gufata umwanzuro wo kureka kuvanga aya makipe.

Ndayisaba yagize ati ’’Ntitwumvikanye ku izina bo bashaka ko Pepiniere bagerekaho ikindi kintu, twe tukababwira ko ari ikipe y’akarere; bumve ko nta karere kitwa Muhanga Pepiniere. Muzanarebe andi makipe y’uturere yitwa Gicumbi, Kirehe n’ayandi. Yego twese turacyabitekerezaho, ariko twe ntacyabihindura, byanze ku izina twababwiye (rya Muhanga FC), tuzabireka tujye mu cyiciro cya kabiri’’.

JPEG - 265 kb
Kuvanga Pepiniere FC na AS Muhanga bishobora kudakunda kubera izina

Ndayisaba avuga ko ibindi bikenewe by’ubuzima bw’iyi kipe byari byamaze gutegurwa. Muri byo harimo nko kuvanga ubwari ubuyobozi bw’amakipe yombi, gushyiraho amategeko mashya.

Ndayisaba anagaragaza ko niba nta gikozwe vuba uku kuvangwa kutaba.

Ati ’’Binasaba guca mu zindi nzira. Harimo kuba twakwandikira FERWAFA, Inteko rusange ikazaterana, byose bifata igihe, kandi na yo itegurwa iminsi 30 mbere y’uko iba. Ubwo se ikipe itaragura umukinnyi, yazabaho ite? Njye numva twabivamo Pepiniere igakomeza mu cyiciro cya mbere twe tukajya mu cya kabiri’’.

Imvaho Nshya yagerageje kuvugana na Munyankumburwa Jean Marie, Perezida wa Pepiniere ntiyitaba telefoni ye igendanwa.

Gusa mu cyumweru gishize, yari yavuze ko nabo badashobora kwemera ko izina rya ’’Pepiniere’’ ryibagirana.

Yagize ati ’’Icyo cyo nticyashoboka, guhindura izina burya ni ikindi, guhindura izina byo ntibishoboka. Icyo tubasaba ni uko mu byo badufasha byose batashaka ko duhindura izina”.

Igitekerezo cyo kuvanga aya makipe cyaje nyuma yo kubona ko AS Muhanga igiye mu cyiciro cya kabiri, hazamuka Pepiniere idafite ubushobozi buhagije mu gihe kugeza ubu nta muterankunga ifite.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rutahizamu w’ikipe ya APR FC ufite  igitego kimwe ashaka gusoza afite 15
Rutahizamu w’ikipe ya APR FC ufite igitego kimwe ashaka gusoza afite 15

Bigirimana Issa, rutahizamu w’ikipe ya APR FC w’imyaka 23 aratangaza ko yifuza gukora amateka yo kuba umukinnyi watsinze ibitego byinshi muri shampiyona ya 2016/2017. Ni umuhigo usa n’utoroshye (...)

Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.