Advertisement
 
 
 
 
 
 
 
 

Siporo | Siporo Mu Rwanda

Icyo Police FC yazize mu mwaka ushize ngiye kugikosora - Umutoza Seninga   

  Yanditswe na MURENGERANTWALI DOMINIQUE
 4 months ago

 
 

Umutoza mushya w’ikipe ya Police FC, Seninga Innocent yatangaje icyo abona cyatumye iyi kipe idatwara igikombe na kimwe mu mwaka ushize anaboneraho gushyira ahagaragara ishusho ya Police FC mu mwaka w’imikino wa 2016-2017.

Mu kiganiro cyihariye n’Imvaho Nshya, Seninga yabanje kuvuga ko amaze iminsi akora imyitozo n’abasore mu rwego rwo kumenyerana no guhuza umukino. Seninga yasobanuye ko mu minsi mike amaranye n’abakinnyi ba Police FC yaje kubona ko uwari umutoza wayo mu mwaka w’imikino 2015-2016 yabuzaga aba bakinnyi kwisanzura bikavamo kutitanga bihagije.

Seninga yagize ati “Nkurikije ibyo naganiriye na bo n’ibyo mbona umunsi ku munsi, nta bwisanzure bari bafite wabonaga bakina ariko bakinira ku gitsure cyane. Icyari cyarabuze ni ukwisanzura. Ariko ubu barishimye, urabona ko bashaka gukora kugira ngo batere imbere’’.

JPEG - 175 kb
Umutoza wa Police FC, avuga ko impamvu iyi kipe ititwaye neza umwaka ushize w’imikino ari uko abakinnyi batisanzuraga ari byo yatangiye gukosora

Seninga waje muri Police FC avuye muri Etincelles FC, avuga ko yiyemeje gukuza ubuvandimwe mu rwego rwo gutahiriza umugozi umwe aho abakinnyi bamwisanzuraho nka mukuru wabo.

Ati “Ndabasura cyane, turasangira aho baba. Ni nacyo cyamfashije muri Etincelles . Ikintu cyo gusangira kibaho kenshi tugahura tugasabana ‘’.
Yungamo ati ‘’Nshaka kubaka urukundo n’ikintu cy’ubuvandimwe, abakinnyi nkabafata nka barumuna banjye kugira ngo dusenyere umugozi umwe twumva ko turimo kurwanira umuryango, tukawurwanira ishyaka kugira ngo tudasubira inyuma ‘’.

Police FC izakina umukino wo gusatira

Seninga yanaboneyeho umwanya wo gutangaza ko abakinnyi bose batangiye kumva uburyo bw’imikinire aho yifuza ko bazakina umupira usatira, gusa yemera ko bizabafata umwanya.

Ati “Njye nkina umupira wiruka cyane kandi ushaka gutsinda no kurema ibitego. Muri Police FC muzabona umukino wihuta, urimo ubusatirizi buhambaye, kandi ikina umukino usukuye’’.

Seninga avuga ko azabigeraho byanze bikunze ashingiye kuri ba rutahizamu nka Danny Usengimana waje mu bakinnyi batsinze ibitego byinshi umwaka ushize na Songa Isaie. Seninga aniyemeza ko byanze bikunze mu mwaka umwe yahawe nk’umutoza azatwara kimwe mu bikombe bya hano mu Rwanda.

 

Comments

  • juma August 2016

    Seninga ni umutoza mwiza kandi uzi kuzamura abakinnyi b’abana bakamenyekana ku bakinnyi Police FC ntago jye byantungura uyu mwaka yitwaye neza kuko ifite umutoza mwiza


pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Amagare: Ndayisenga Valens yabonye ikipe muri Autriche
Amagare: Ndayisenga Valens yabonye ikipe muri Autriche

Ndayisenga Valens, umukinnyi wa mbere mu Rwanda mu gusiganwa ku magare nyuma yo gusoza amasezerano ye mu ikipe ya Dimension Data for Qhubeka yamaze kubona ikipe mu gihugu cya Autriche yitwa (...)

Ibyo ukwiye kumenya kuri CAN 2017 igiye kubera  muri Gabon
Ibyo ukwiye kumenya kuri CAN 2017 igiye kubera muri Gabon

Kuva kuri uyu wa gatandatu Taliki 14 Mutarama 2017 kuzageza kuya 05 Gashyantare 2017, abakunzi b’umupira w’amaguru muri Afurika bagiye gukurikirana imikino y’igikombe cy’Afurika “CAN 2017” ku (...)

Ku myaka 19  Nyirarukundo yageze mu ibihugu 20 akina  umukino wo gusiganwa
Ku myaka 19 Nyirarukundo yageze mu ibihugu 20 akina umukino wo gusiganwa

Nyirarukundo Salome umwari w’imyaka 19, ukina umukino wo gusiganwa ku maguru avuga ko impano afite yatumye agenda mu bihugu birenga 20, ahesha ishema u Rwanda. Nyirarukundo uvuka mu karere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.