Advertisement
 
 
 
 
 
 
 
 

Siporo | Siporo Mu Rwanda

Iby’ingenzi wamenya kuri Seninga, umutoza mushya wa Police FC   

  Yanditswe na BIZIMANA ERIC
 4 months ago

 
 

Police FC yasinyanye amasezerano y’umwaka umwe na Seninga Innocent nk’umutoza mukuru wa Police FC ku wa Kane taliki 14 Nyakanga 2016 , asimbuye Casa Mbugo Andre wasezerewe mu mpera za Kamena y’uyu mwaka.

Mu kiganiro n’Imvaho Nshya, umuvugizi akaba n’umunyamabanga mukuru wa Police FC, CIP Mayira Jean de Dieu yatangaje ko bashingiye ku buhanga bw’uyu mutoza yagiye agaragaza bamugirira icyizere imbere ya Sam Timbe, umugande bari bahanganiye uyu mwanya.

Ati "Ni umutoza ukiri muto, ufite amaraso y’ubusore kandi wigaragaje mu makipe yanyuzemo. Ukurikije uburyo yazamutse ntacyo abandi bamurusha".

JPEG - 171.1 kb
Seninga Innocent

Mayira yahamije ko basabye Seninga kuvana iyi kipe ku mwanya wa gatanu izasozaho muri shampiyona y’uyu mwaka, ikajya ku mwanya mwiza muri shampiyona itaha.

Avuga ko batigeze basaba Seninga gutwara igikombe byanze bikunze.

Ati "Sinavuga ko ari byanze bikunze, gusa twe dushaka ko ikipe itakongera kurangiza ku mwanya n’uyu muri uyu mwaka".

Mayira yemeje ko Seninga azahabwa amafaranga yose yifuza cyane ko atari ikibazo kuri Police FC kugira ngo agure umukinnyi wese yifuza w’Umunyarwanda, anashimangira ko batazigera bahindura politiki yabo yo gukinisha Abanyarwanda.

Amasezerano ya Seninga anamuhesha uburenganzira bwo guhitamo abatoza bazamwugiriza n’abandi yifuza kuzakorana nabo.

Seninga yahawe amasezerano nyuma yo gusezera Etincelles FC yari abereye umutoza akanayifasha kutamanuka kuva yayifata mu mikino yo kwishyura y’uyu mwaka.

Inshamake n’ibigwi bya Seninga

Seninga Innocent w’imyaka 37 y’amavuko yabonye izuba taliki 30 Ukuboza 1979 mu gace ka Lugazi mu mujyi wa Kampala muri Uganda.

Yabaye umukinnyi w’ikipe ya Flash FC kuva mu 1998 kugeza mu 2002 agiye mu Intare FC , ahava ajya muri Kiyovu Sports muri shampiyona ya 2002-2003 gusa aza kubiburira umwanya ku mpamvu z’amasomo ya Kaminuza mu bijyanye na Siporo yakoreraga mu ishuri nderabarezi rya KIE. Arangije ishuri yakiniye gato AS Kigali muri 2005.

Yize iby’ubutoza mu gihugu cy’u Budage avuyeyo agirwa na FERWAFA ushinzwe gushakisha impano mu ntara y’u Burengerazuba. Ubwo batoranyaga abana bo gushyira muri Academie ya FERWAFA.

Yabaye umutoza w’Isonga FC muri 2012, avamo ajya muri Kiyovu muri Kanama 2015 ahavamo agirwa umutoza wa Etincelles muri Gashyantare 2016. Kuri ubu afite impambyabushobozi Licence B ya CAF.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rutahizamu w’ikipe ya APR FC ufite  igitego kimwe ashaka gusoza afite 15
Rutahizamu w’ikipe ya APR FC ufite igitego kimwe ashaka gusoza afite 15

Bigirimana Issa, rutahizamu w’ikipe ya APR FC w’imyaka 23 aratangaza ko yifuza gukora amateka yo kuba umukinnyi watsinze ibitego byinshi muri shampiyona ya 2016/2017. Ni umuhigo usa n’utoroshye (...)

Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.