2017-10-18 18:43:44 clouds 27o High | Kigali Rwanda

Dukurikire:
 
 

Ibitego byinshi bya APR FC muri shampiyona y’uyu mwaka byinjira mu gice cya II

Yanditswe na IMVAHO NSHYA

Kuya 2016-05-02 04:57:18

 
Share on:
 
Yasuwe:19
 
Yavuzweho:200
 
10
 
10

Muri shampiyona ya 2015-2016, APR FC imaze kugaragaza ko ari ikipe ishaka igikombe, yishyura ikanabona intsinzi mu minota ya nyuma y’umukino.

Gutsinda mu gice cya kabiri by’umwihariko mu minota ya za 80 bigaragaza ikipe ifite ishyaka, izi icyo ishaka kandi ihangana kugeza ku munota wa nyuma. Ibi akaba ari byo biranga ikipe irwanira igikombe.

Duhereye ku ngero z’imikino ine iheruka, APR FC yatsinze Rwamagana FC ibitego 2-1 bya Ndahunduka Michel ku munota wa 67 na Bizimana Djihad ku munota wa 80, itsinda Bugesera FC igitego 1-0 Sibomana cya Patrick ku munota wa 64, itsinda Police FC ibitego 2-1 harimo icya Iranzi Jean Claude ku munota wa 82, itsinda Mukura VS ibitego 2-1 bya Iranzi Jean Claude ku munota wa 51 na Nkinzingabo Fiston ku munota wa 77.

JPEG - 205.6 kb
Iranzi Jean Claude , umwe mu bayoboye abamaze gutsindira ibitego byinshi APR FC

Tugiye mu mibare, APR FC imaze gutsinda ibitego 28 mu mukino 19. Ibitego 19 ni ukuvuga 70% ni byinjiye mu gice cya kabiri naho 10 ni kuvuga hafi 30% byinjira mu gice cya mbere. Iranzi Jean Claude na Nkinzingabo Filston ni bo bayoboye abandi mu gutsinda ibitego byinshi mu gice cya kabiri aho batsinze ibitego 4. Bigirimana Issa ni we uyoboye abandi mu gutangira neza umukino, aho amaze gutsinda ibitego 4.

Uko abakinnyi ba APRFC bakurikirana mu gutsinda ibitego

Mu gice cya mbere cy’umukino, Bigirimana Issa afite bine ( Espoir 4’; Rwamagana 41’, AS Kigali 22’, Police 8’), Iranzi bibiri (AS Kigali 3’, Muhanga 16’), Ntamuhanga Tumane (Amagaju 9’), Bayisenge Emery ( Musanze 25’) na Benedata Janvier (AS Kigali 15’).

Mu gice cya kabiri cy’umukino, Iranzi Jean Claude afite bine (Police 61’, Muhanga 55’, Mukura VS 51’ na Police FC 82’), Nkinzingabo Fiston bine (Sunrise 64’, Kiyovu 89’, Amagaju 51’, Mukura VS 77’), Bizimana Djihad bibiri (Etincelles 55’, Rwamagana 80’), Sibomana Patrick (Espoir 67’ na Bugesera 64’), Rwatubaye (Bugesera 68’), Bigirimana Issa (Bugesera 72’), Mubumbyi (Muhanga 84’), Benedata Janvier ( Kiyovu 85’), Bayisenge Emery ( Musanze 74’) na Ndahinduka Michel (Rwamagana 80’).

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE