Advertisement
 
 
 
 
 
 
 
 

Siporo | Siporo Mu Rwanda

Ibintu bitatu Migi yigiye kuri shampiyona ya Tanzania byagirira akamaro u Rwanda   

  Yanditswe na BIZIMANA ERIC
 5 June

 
 

Mugiraneza Jean Baptiste “Migi” ukina hagati mu ikipe y’igihugu “Amavubi” yavuze ko mu mwaka umwe amaze akina muri shampiyona ya Tanzania mu ikipe ya Azam FC, hari ibintu bitatu yahigiye asanga byagirira akamaro umupira w’u Rwanda.

Icya mbere agaragaza ni icy’uko amakipe yo mu Rwanda akwiye kumenyera gukina inshuro ebyiri cyangwa se eshatu mu cyumweru kimwe, kuko bituma shampiyona irangirira igihe kandi irimo guhangana n’uburyohe.

Ati “Mu Rwanda harimo akabazo gato, hano numva ikipe nyinshi zivuga ngo oya twakinnye ku wa mbere ntitwakina ku wa gatatu; abakinnyi barananiwe. Muri Tanzania mukina shampiyona ku wa mbere, ku wa gatatu mugakina igikombe cy’igihugu, ku wa gatanu mukongera mugakina indi ya shampiyona kandi harimo imikino yo hanze musabwa kugenda amasaha atanu cyangwa atandatu mujya mu ntara. Ni yo mpamvu usanga ikipe zifite abakinnyi benshi, nk’Azam dufite 30 bituma hari ukina uyu munsi ejo ntakine”.

JPEG - 192.3 kb
Mugiraneza Jean Baptiste Migi usanga hari ibyo mu Rwnada bakwigira kuri shampiyona ya Tanzania

Icya Kabiri Migi atsindagira ni ukugira gahunda ihamye kandi idahindagurika bitandukanye n’ibimaze iminsi muri shampiyona y’u Rwanda aho amakipe yakunze guhindurirwa iminsi akiniraho.

Migi yagize ati “Mukwiye kwiga gutwara ibintu ku murongo, mukavuga ngo shampiyona izatangirira igihe iki n’iki irangire taliki runaka, ntibihinduke. Nihaba impinduka, bagerageza kubinyuza ku ruhande ariko igihe shampiyona yagomba kurangira ikarangira kuko hari abakinnyi baba bashaka kujya mu biruhuko".

Icya nyuma kuri Migi ni urwego rw’umupira rukwiye kuzamurwa n’abakinnyi b’abanyagihugu bakerekana itandukaniro , byaba na ngombwa abafite ubunararibonye bakajya hanze y’u Rwanda.

Aha yagize ati "Abakinnyi bo muri Tanzania ni abantu bigirira icyizere, bumva ko nta muntu ubarusha umupira. Biragorana kuba ari umunyamahanga ukajyayo ukabona umwanya, bisaba ko ukora cyane. Hari n’abakinnyi bacu bamaze kugira ubunararibonye igihe kigeze ku buryo bagenda kugira ngo urwego rwabo ruzamuke". Migi yerekeje muri Azam avuye muri APR FC muri Nyakanga 2015.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.