Advertisement
 
 
 
 
 
 
 
 

Siporo | Siporo Mu Rwanda

Ibikoresho by’ivuriro rya FERWAFA bimaze umwaka byaraheze muri MAGERWA   

  Yanditswe na BIZIMANA ERIC
 September 2016

 
 

Ibikoresho bizakoreshwa mu ivuriro ry’Ishyirahamwe ry’umupira w’amaguru mu Rwanda “FERWAFA”, bimaze umwaka mu kigo cyakira ibyinjira mu gihugu “MAGERWA” harabuze amafaranga yo kubikuramo.

Ibi ni ibyasobanuwe na Perezida wa FEWAFA, Nzamwita Vincent De Gaule ubwo yagarukaga ku masezerano avuguruye bagiranye n’igihugu cya Maroc kimwe mu bafatanyabikorwa batatu basinyanye n’iri shyirahamwe mu mpera z’icyumweru gishize.

Nzamwita avuga ko bifuje kuvugurura amasezerano y’ubufatanye bari bafitanye na Maroc mu 2015 mu bijyanye no gufashanya mu gutegura amakipe y’ibihugu, guteza imbere ibikorwa remezo no mu buvuzi.

JPEG - 381.1 kb
Ibikoresho by’ivuriro rya FERWAFA byavuye mu Buholandi byaheze muri MAGERWA

Nzamwita agaragaza ko mu masezerano mashya harimo ibyo kububakira ikibuga cy’ubwatsi bw’ubukorano “Tapis Syntetique” no kubafasha mu kubabonera icyumba kizajya kifashishwa mu kubaga “Salle d’Operation” ku buryo inzobere z’abaganga bo muri Maroc zajya ziza ino aha zigafatanya n’abanyarwanda kubaga abakinnyi benshi bidasabye ko bajya muri Maroc kuko hagendaga bake kuko FERWAFA yasabwaga kubishyurira tike.

Abamaze kubagwa bazajya bakurikiranirwa mu ivuriro rya FERWAFA ryari ryatangiye gutunganywa mu 2015 mu mushinga batewemo inkunga n’impuzamashyirahamwe y’umupira w’amaguru muri Afurika (CAF) y’ibihumbi 125 by’amadolari ahwanye na miliyoni zisaga 90 z’amafaranga y’u Rwanda.

Muri Nyakanga 2015 ni bwo FERWAFA yatanze isoko ry’ibikoresho bizashyirwa muri iri vuriro ryahatanirwaga n’ibigo bibiri byo mu Buholandi Medigros na Ruggiero Sports Med biza kugera mu Rwanda taliki 31 Ukwakira 2015 bivuye Amsterdam mu Buholandi.

Nzamwita avuga ko ibikoresha byo gushyira muri iri vuriro byaje kugurwa gusa bimara umwaka muri MAGERWA.

Ati “Ibikoresho bimaze umwaka muri MAGERWA, twasabye gusonerwa kuko ni ibiza kuvura abana b’abanyarwanda ku buntu ntiducuruza, twasabye ubufasha MINISANTE dutegereje igisubizo cya nyuma kugira ngo bive muri MAGERWA kuko amafaranga byasabye ngo bivemo ntitwayabona’’.

Usibye Maroc, mu mpera z’icyumweru ubwo habaga inama y’inteko rusange idasanzwe, FERWAFA yasinye amasezerano y’ubufatanye n’Ishyirahanwe ry’umupira w’amaguru muri Gabon na Angola agamije guteza imbere umupira w’amaguru w’abagore n’abakiri bato.

 

Comments

 
 
Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Amagare: Ikipe y’u Rwanda yasoje ari iya gatatu muri Tour du  Cameroun
Amagare: Ikipe y’u Rwanda yasoje ari iya gatatu muri Tour du Cameroun

Ikipe y’u Rwanda yari yitabiriye isiganwa rya “Tour du Cameroun 2017” kuva taliki 11-19 Werurwe 2017 ntabwo yitwaye neza nk’uko byari byitezwe nyuma y’aho umukinnyi waje hafi yaje ku mwanya wa 10 (...)

Umutoza wa APR FC aracyafite icyizere cyo kwegukana igikombe
Umutoza wa APR FC aracyafite icyizere cyo kwegukana igikombe

Nyuma y’umunsi wa 21 wa shampiyona y’icyiciro cya mbere, ikipe ya APR FC iri ku mwanya wa 2 n’amanota 41 irushwa amanota 2 na Rayon Sports iri ku mwanya wa mbere n’amanota 43 gusa iyi kipe ikaba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.