Advertisement
 
 
 
 
 
 
 
 

Siporo | Siporo Mu Rwanda

Ibigo bitatu byasabye kubaka Hoteli ya FERWAFA   

  Yanditswe na NKOMEJE GUILLAUME
 August 2016

 
 

Ishyirahamwe ry’umupira w’amaguru mu Rwanda “FERWAFA” baratangaza ko ibigo by’ubwubatsi bitatu byamaze gusaba imirimo yo kubaka icyiciro cya mbere cya Hoteli yayo y’inyenyeri enye.

Mu nama yo gufungura no gushyira ku mugaragaro abasabye iri soko yabaye ku wa Kabiri taliki 16 Kanama 2016 ku cyicaro gikuru cya FERWAFA i Remera yayobowe n’Umuvugizi wa FERWAFA akaba n’umuyobozi wa komite ishinzwe gutanga iri isoko, Dr Hakizimana Moussa, yagaragaje ko kompanyi zasabye kubaka iyi Hoteli ari iy’abashinwa China Civil Engineering Construction Corporation Ltd (CCECC), ECM Ltd na ROKO Construction Rwanda Limited.

Iyi nama yari yanitabiriwe n’abandi banyamuryango b’iyi komite barimo uhagarariye Komisiyo yo guteza imbere umupira w’amaguru mu bagore muri FERWAFA, Rwemalika Felicitée na Munyandamutsa Maurice uhagarariye Komisiyo y’iterambere ry’umupira w’amaguru mu bakiri bato.

JPEG - 160.8 kb
Hoteli ya FERWAFA izatwara miliyari zibarirwa muri enye

Hagiye gukurikiraho isuzuma ry’abasabye kubaka iyo hoteli rizakorwa n’itsinda ry’impuguke rizaturuka mu ishyirahamwe ry’umupira w’amaguru ku isi “FIFA” mu ntangiriro za Nzeri 2016.

Iri soko ritanzwe ubwa kabiri kuko mbere ryari ryahawe Expert Co Ltd yatangiye kubaka ariko hakavumburwa ko ryatanzwe mu buryo bunyuranyije n’amategeko ndetse n’umunyabanga wa FERWAFA, Mulindahabi agafungwa.

Iyi Hoteli izaba ifite ibyumba 88, izaba ifite ubushobozi bwo kwakira amakipe y’ibihugu y’umupira w’amaguru menshi.

 

Comments

 
 
Amakipe atatu ashobora kuzira kutamenyekanisha imisoro
Amakipe atatu ashobora kuzira kutamenyekanisha imisoro

Ubuyobozi bw’ishyirahamwe ry’umupira w’amagurumu Rwanda “FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro (...)

Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.