Advertisement
 
 
 
 
 
 
 
 

Siporo | Siporo Mu Rwanda

Ibanga rya Muhadjiri, uharanira kuzaba umwami wa Coup Franc   

  Yanditswe na BIZIMANA ERIC
 3 months ago

 
 

Hakizimana Muhadjiri, umukinnyi w’ikipe ya APR FC aratangaza ko ibanga rye riri kumufasha gutsinda umupira w’umuterekano “coup franc”, ari ukwigirira icyizere.

Ni nyuma y’uko atsinze ibitego 16 harimo bitandatu bya Coup Franc mu mwaka w’imikino ushize ubwo yakiniraga Mukura VS.

Muhadjiri yaje kandi kugaragaza ubuhanga bwe, atsinda Coup Franc yafashije Amavubi kunganya na Ghana 1-1 mu gushaka itike y’igikombe cy’Afurika CAN 2017 i Accra.

Uyu musore wari waguzwe na AS Kigali akaza kwerekeza muri APR FC muri Nyakanga uyu mwaka, yaje kwigaragaza mu mikino yo kwitegura shampiyona ya Gisirikare ndetse anatorwa nk’umukinnyi w’irushanwa ryari ryateguwe na AS Kigali.

JPEG - 297.7 kb
Muhadjiri, ufite umupira

Mu gutangira shampiyona, Muhadjiri ni we watsinze igitego rukumbi cya APR FC ubwo yatsindaga Amagaju 1-0 kuri Coup Franc yo ku munota wa 44.

Hakizimana Muhadjiri, agaragaza ko ibanga rye ryo gutsinda za Coup franc, ari ukwigirira icyizere, akanabikora igihe kirekire.

Muhadjiri ati ’’Maze gutsinda nyinshi, iyo ngiye kuyitera mba nifitiye icyizere ko nyitera neza. Ntibivuze ko nzashyiramo ubushake buke ahubwo nzakomeza mbikore kugira ngo bigende neza.’’

Muhadjiri yakomeje avuga ko intego ze ari ugukora cyane akarenga aho yari ageze mu mwaka ushize.

Ati ’’Umwaka ushize, natsinze ibitego 16, ubu ngiye gukora cyane kugira ngo ndenze biriya 16, byose ni Imana ibikora, ariko n’iyo ukoze, Imana ifasha uwifashije’’

Haruna Niyonzima, mukuru wa Muhadjiri akaba na Kapiteni w’ikipe y’igihugu Amavubi yaherukaga kwemeza ko igihe kigeze kugira ngo abanyarwanda babone ubuhanga bwa murumuna we.

Ati ’’Muhadjiri ndamuzi azi umupira cyane, ariko navuga ko byatinze kugaragara. Imyaka ishize ntiyari myiza kuri we ariko nkeka ko hageze ngo abanyarwanda bamenye icyo Muhadjiri ari cyo’’

 

Comments

 
 
APR FC yerekeje muri Zambia
APR FC yerekeje muri Zambia

Ikipe ya APR FC yageze i Lusaka muri Zambia mu rukerera rwo kuri uyu wa Kane taliki 09 Gashyantare 2017 aho yagiye gukina n’ikipe ya Zanaco FC mu mikino y’Afurika y’amakipe yabaye aya mbere iwayo (...)

Jimmy Mulisa yiteguye kwitwara neza muri Zambia
Jimmy Mulisa yiteguye kwitwara neza muri Zambia

Umutoza w’ikipe ya APR FC, Mulisa Jimmy atangaza ko biteguye kujya muri Zambia bakitwara neza bakabona intsinzi. Zanaco FC yo muri Zambia izahura na APR FC mu mikino y’Afurika y’amakipe (...)

Musanze FC yirukanye abakinnyi bane
Musanze FC yirukanye abakinnyi bane

Ubuyobozi bw’ikipe ya Musanze bwamaze kwirukana abakinnyi bane batitwaye neza mu mikino ibanza ya shampiyona. Abo ni Hategekimana Bonaventure Gangi wasezerewe ku mpamvu z’uburwayi amaranye iminsi (...)

Rayon Sports : Nshuti Savio yasubijwe inyuma n’umunaniro
Rayon Sports : Nshuti Savio yasubijwe inyuma n’umunaniro

Nshuti Dominique Savio, rutahizamu w’ikipe y’igihugu «Amavubi» na Rayon Sports aravuga ko urwego rwe rw’imikinire rwasubijwe inyuma n’imikino myinshi yakinnye mu mwaka wa 2016. Mu mwaka ushize, (...)

Minnaert ati “Nahisemo Mukura VS kubera Nizeyimana Olivier”

Ivan Minnaert, umubiligi wahoze atoza Rayon Sports aratangaza ko yahisemo kujya muri Mukura VS kuko iyobowe na Nizeyimana Olivier ufitiye icyerekezo ikipe ye. Ibi yaraye abitangarije Imvaho (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.