Advertisement
 
 
 
 
 
 
 
 

Siporo | Siporo Mu Rwanda

Hari ibikwiye gukorwa, abakinnyi bato bakaboneka-Kayiranga   

  Yanditswe na BUGINGO FIDELE
 April 2016

 
 

Umutoza w’ikipe y’u Rwanda mu batarengeje imyaka 20, Kayiranga Baptiste atangaza ko hari ibikwiye gukorwa mu Rwanda kugira ngo umupira w’abana utere imbere bityo n’abakinnyi bakiri bato baboneke.

Ibi yabitangaje nyuma y’aho Amavubi anganyije na Uganda igitego 1-1 mu mukino ubanza wo gushaka itike ya CAN U-20 izabera muri Zambia umwaka utaha wa 2017.

Nyuma yo guhamagara abakinnyi bagasanga barengeje imyaka, uyu mutoza avuga ko ibi byose bituruka ahanini ku kuba nta bakinnyi benshi kandi bashoboye bakiri bato baboneka.

JPEG - 279.1 kb
Kayiranga (ibumoso) n’umutoza wungirije Mashami kubona abakinnyi bakinisha mu Mavubi U-20 byababereye ihurizo rikomeye (Foto Bugingo F)

Nk’umutoza w’inararibonye yagize byinshi atangaza ku byakorwa mu Rwanda, abakinnyi bakiri bato bakaboneka.

Ati “Mwumvise ko muri Uganda bagira ibyiciro byinshi, amashuri, imirenge n’ibindi mbese buri mukinnyi agira aho yisanga mu bushobozi bwe n’abashaka kumujyana mu cyiciro cyisumbuye bakagira aho bamusanga”.

Akomeza avuga ko mu Rwanda igikwiye gukorwa ari uko imikino ihuza amashuri ishyirwamo imbaraga abana bakabona aho bakinira, bakabona amarushanwa menshi yabo ndetse ko n’Umurenge Kagame Cup ushyizwemo imbaraga ugakurikiranwa wagira icyo utanga.

Kayiranga anavuga ko mu cyiciro cya kabiri abana batagomba gukumirwa ndetse n’amakipe makuru akwiye kugarura amakipe y’abana “Juniors” akina mu buryo buhoraho.

Ati “Aha ni ho abatoza bo mu gihugu bajya babona abakinnyi, uw’umuhanga cyane akajya mu makipe akomeye nka za Rayon Sports, uciriritse akajya nko muri za Marines FC cyangwa Amagaju FC”.

Umupira w’abana uheruka gushyirwamo ingufu muri za 2010 ubwo u Rwanda rwiteguraga kwakira CAN U-17 muri 2011 aho byatanze umusaruro kuko abakinnyi bagaragara ubu aribwo bateguwe ndetse banitwaye neza kuko bitabiriye igikombe cy’isi, nyuma y’umwaka wa 2011, nta kipe y’abakiri bato mu Rwanda yongeye kugira aho igera mu mikino mpuzamahanga.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.